Buried Memories 💔

മരിച്ചുപോയവരുടെ പ്രണയിനിമാരെ പറ്റി ചിന്തിച്ചിട്ടുണ്ടോ ?

വീട്ടിലറിയാതെ ഒളിച്ചുപ്രണയിച്ചിരുന്ന അവന് എങ്ങനെയാവും അവളുടെ മരണവാർത്ത കേട്ടിരുന്നത് ? പുറത്തറിയാതെ അവൻ എങ്ങനെയാകും നിലവിളിക്കുക ?

എങ്ങനെയാണ് കണ്ണുനീർ ഒളിപ്പിച്ച് വെക്കുക..? എന്താ പറ്റിയത് എന്ന് വീട്ടുകാർ ചോദിക്കുമ്പോൾ അവൻ എന്താകും മറുപടി പറയുക ?

അന്നുവരെയുള്ള ഓരോ നിമിഷങ്ങളും അവൻ്റെ കൺമുന്നിൽ വന്നുപോയിട്ടുണ്ടാകില്ലെ ? ഇനിയൊരിക്കലും ആ നമ്പറിൽ നിന്ന് ഒരു കോൾ വരില്ല, മെസ്സേജ് വരില്ല എന്ന സത്യം അവൻ എങ്ങനെയാകും തിരിച്ചറിഞ്ഞിട്ടുണ്ടാകുക ? തമ്മിൽ ഉണ്ടായ ചെറിയ പിണക്കങ്ങൾ പരിഭവവും പറഞ്ഞ് തീർക്കാൻ ആകാതെയുള്ള ആ കുറ്റബോധം എങ്ങനെയാകും മറികടക്കുക ?

പണ്ട് പറഞ്ഞിരുന്ന ഓരോ സ്നേഹ വാക്കുകൾ എത്രത്തോളം ഇന്ന് പൊള്ളി നോവിക്കുന്നുണ്ടാകും ?

 പുതപ്പിൻ കീഴിൽ ഉറങ്ങാതെ കഥ പറഞ്ഞു തീർത്ത രാവുകൾ എങ്ങനെ ആകും വെളുപ്പിക്കുക ? ഉറങ്ങാതെ കരഞ്ഞു തളർന്ന കണ്ണിന് താഴത്തെ കറുപ്പ് അവൻ എങ്ങനെയാകും മായ്ക്കുക ?

പക്ഷേ ഒരുനാൾ അവനും അതൊരു ഓർമയാകും .. അങ്ങനെ ആകണം . ഒരു പാട്ടോ , ഇടമോ , കേട്ടാലോ കണ്ടാലോ മാത്രം ഓർമ്മവരുന്ന ഒന്നായി മാറണം ..

കാരണം മരിക്കും വരെ മനസ്സിന്റെ കോണിൽ ഒരു നീറ്റലായി ഈ ഓർമ്മകൾ ഉണ്ടാകും..

നമ്മുടെ ഒപ്പമുള്ളവരുടെ സന്തോഷം കളയാതെ ഇതിന് ശേഷവും ഒരു ജീവിതം ഉണ്ടെന്ന് മനസ്സിലാക്കി അവർ ജീവിതം മുന്നോട്ട് കൊണ്ട് പോകുന്നുണ്ടാകാം.

 എങ്കിലും , ആണന്നോ , പെണ്ണന്നോ വ്യത്യാസമില്ലാതെ ഇതേപോലൊരു അവസ്ഥയെ അതിജീവിക്കാൻ അവർക്ക് കഴിയട്ടെയെന്ന്  പ്രാർത്ഥിക്കുന്നു.  

🙏🙏