ഉമ്മാക്ക് പകരം ഉമ്മ മാത്രം..

" എടീ ഉമ്മ വൃദ്ധസദനത്തിൽ നിന്നും ചാടീന്ന്"
"അള്ളാ!! ആരാ പറഞ്ഞേ അബ്ദുകാ."
" അവിടെ നിന്നും ഇപ്പോ വിളിച്ചിരുന്നു. ഇനിയിപ്പോ എന്താ ചെയ്യാ"
" ഇനി ഇങ്ങോട്ടെങ്ങാനും വരുമോ ആ തള്ള "
" ഹേയ്, വന്നാലും കുഴപ്പമൊന്നുമില്ല. നാളെ നമ്മള് ഹോസ്പിറ്റലില് പോവല്ലേ. ഇനി നിന്റെ പ്രസവവുമൊക്കെ കഴിഞ്ഞ് നമ്മള് തിരിച്ചുവരാന് കുറച്ച് ദിവസമാവില്ലേ, ഇവിടെ വന്ന് നമ്മളെ കാണാതാവുമ്പോൾ താനേ തിരിച്ചു പൊയ്ക്കോളും "
രണ്ടു പേരും പരസ്പരം നോക്കി പുഞ്ചിരിച്ചു. പിറ്റേ ദിവസം നേരത്തെ തന്നെ രണ്ടു പേരും ഹോസ്പിറ്റലില് എത്തി. പ്രസവ തിയ്യതി പറഞ്ഞിരിക്കുന്നത് നാളെയാണ്. ഹോസ്പിറ്റലില് എത്തി അഡ്മിറ്റായി. അവിടെ എത്തിയ ഉടന് അവള്ക്ക് ചെറിയ തോതില് വേദന അനുഭവപ്പെടാൻ തുടങ്ങി. അബ്ദു ഡോക്ടറെ വിവരം അറിയിച്ചു. അവര് ഡോക്ടര് വരുന്നതും കാത്തു നിന്നു.
കുറച്ചു സമയത്തിന് ശേഷം അവരുടെ മുറിയുടെ കതകിന് പുറത്ത് ആരോ നില്ക്കുന്നതായി അബ്ദുവിന് അനുഭവപ്പെട്ടു. അയാള് വാതില് തുറന്നു നോക്കിയപ്പോള് പത്ത് മാസം ചുമന്ന് പെറ്റ ഉമ്മ തന്റെ നേരെ കൈകള് കൂപ്പി ദയനീയമായി നില്ക്കുന്നതാണ് കണ്ടത്. ഉമ്മയെ കണ്ടതും ആ പ്രസവ വേദനയിലും ഭാര്യ അബ്ദുവിനെ നോക്കി കണ്ണുരുട്ടി. അയാള് ഉമ്മയുടെ അടുത്ത് ചെന്നു
" എന്റെ പൊന്ന് ഉമ്മാ, എന്തിനാ ഇപ്പോ ഇങ്ങോട്ട് കെട്ടിയെടുത്തത്, ഞങ്ങളെ ബുദ്ധിമുട്ടിക്കാനായിട്ട്. അവിടെ ഉമ്മക്ക് എന്തായിരുന്നു ഒരു കുറവ്"
ഉമ്മ ദയനീയമായി തന്റെ മോനെ ഒന്ന് നോക്കി " ഒരു കുറവും ഉണ്ടായിരുന്നില്ല മോനേ, നല്ല സുഖമായിരുന്നു. ഞാന് എന്റെ പേരകുട്ടിയെ ഒരു നോക്ക് കണ്ടിട്ട് പോയ്ക്കൊള്ളാം മോനേ. എന്റെ മോന് തടസ്സമൊന്നും പറയല്ലേ"അബ്ദു ഭാര്യയെ ഒന്ന് നോക്കി. അവള് ദേഷ്യത്തോടെ മുഖം തിരിച്ചു. അവന് ഉമ്മയോട് ഒന്നും പറയാതെ മുറിയുടെ അകത്തേക്ക് പോയി.
കുറച്ചു സമയം കഴിഞ്ഞപ്പോള് ഡോക്ടര് വന്നു. അവളെ ഉടന് ലേബര് റൂമിലേക്ക് മാറ്റി.
കുറച്ച് സമയങ്ങൾക്ക് ശേഷം തന്റെ പേരകുട്ടിയുടെ കരച്ചില് ഉമ്മാമയുടെ കാതില് വന്നു പതിച്ചു. ആ മുഖത്ത് സന്തോഷം വിരിഞ്ഞു. കുഞ്ഞിനെ കണ്ട ഉടന് ഉമ്മയോട് തിരിച്ച് പോകാന് മകന് ആവശ്യപ്പെട്ടു. പക്ഷെ ഉമ്മ തന്റെ പേരകുട്ടിയോടൊപ്പം ഒരു രണ്ട് ദിവസം നില്ക്കാന് മോനോട് കെഞ്ചി. അവന് ദേഷ്യത്തോടെയാണെ
ങ്കിലും സമ്മതിച്ചു. തന്റെ കുഞ്ഞിനെ ഉമ്മ ലാളിക്കുന്നതും കൊഞ്ചിക്കുന്നതും അബ്ദുവിന്റെ ഭാര്യക്ക് ദഹിച്ചില്ല. അവള് അബ്ദുവിനോട് തന്റെ പരിഭവം പറയുകയും ചെയ്തു. ഒരു ദിവസം കൂടി കഴിഞ്ഞാല് ഉമ്മ പോവുമല്ലോ എന്ന് പറഞ്ഞ് അബ്ദു ഭാര്യയെ ആശ്വസിപ്പിച്ചു. ഉമ്മക്ക് മകന് അനുവദിച്ച സമയം അവസാനിച്ചപ്പോൾ, അവര് യാത്ര പറഞ്ഞ് പോകാനൊരുങ്ങിയപ്പോഴാണ് അബ്ദുവും ഭാര്യയും തങ്ങളുടെ കുഞ്ഞിനെ കാണാനില്ല
എന്ന കാര്യം ശ്രദ്ധിച്ചത്. ഉടന് തന്നെ ഹോസ്പിറ്റൽ അധികൃതരെ വിവരം അറിയിച്ചു. അവര് സിസി ടിവിയും മറ്റും പരിശോധിച്ചിട്ടും കുഞ്ഞിനെ കുറിച്ച് ഒരു വിവരവും ലഭിച്ചില്ല. അബ്ദുവും ഭാര്യയും പരിഭ്രാന്തരായി.
പൊട്ടിക്കരയുന്ന തന്റെ ഭാര്യയെ അവന് ആശ്വസിപ്പിച്ചു. ഹോസ്പിറ്റൽ അധികൃതര് പോലീസില് വിവരം അറിയിച്ചു. പോലീസ് എത്തി അന്വേഷണം ആരംഭിച്ചു. അവരുടെ മുറിയുടെ മുന്നില് ആളുകള് തടിച്ചു കൂടി. തന്റെ കുഞ്ഞിനെ ഓര്ത്ത് ഒരു ഭ്രാന്തിയെ പോലെ കരയുന്ന ഭാര്യയെ അബ്ദു നിസ്സഹായനായി നോക്കി നിന്നു.
കൂടി നില്ക്കുന്ന ആളുകള്ക്ക് അഭിമുഖമായി നിന്നുകൊണ്ട് ഉമ്മ വിളിച്ചു പറഞ്ഞു " ഇനി ആരും കുഞ്ഞിനെ അന്വേഷിക്കേണ്ട. കുഞ്ഞ് ഈ മുറിയില് തന്നെ ഉണ്ട്. ഞാനാ ഒളിപ്പിച്ചു വെച്ചത്"
ഇത് കേട്ടതും ഒരു ഭ്രാന്തിയെ പോലെ അബ്ദുവിന്റെ ഭാര്യ അവര്ക്ക് നേരെ പാഞ്ഞടുത്തു
" എങ്ങനെ മനസ്സ് വന്നു തള്ളേ എന്റെ കുഞ്ഞിനെ എന്നില് നിന്നും പിരിക്കാൻ. എന്റെ കണ്ണീരിന്റെ ശാപം നിങ്ങളെ വിട്ട് പോകില്ല. പുഴുത്ത് ചാകും നിങ്ങള്"
ഒളിപ്പിച്ചു വെച്ച കുഞ്ഞിനെ പുറത്തെടുത്ത് കവിളില് ഒരു ഉമ്മ കൊടുത്ത് നിറ കണ്ണുകളോടെ ഉമ്മ അബ്ദുവിനെയും ഭാര്യയേയും നോക്കി " ഞാന് ചെയ്തത് മഹാപാപമാണ് എന്ന് എനിക്കറിയാം. നീ പറഞ്ഞത് ശരിയാണ് മോളെ നിന്റെ കണ്ണീരിന്റെ ശാപം എന്നെവിട്ട് പോകില്ല. പത്ത് മാസം ചുമന്ന് പെറ്റ കുഞ്ഞിനെ ഉമ്മയിൽ നിന്നും അകറ്റുന്നത് മഹാപാപം തന്നെയാണ്. വെറും രണ്ട് ദിവസം പ്രായമായ നിന്റെ കുഞ്ഞിനെ കുറച്ചു സമയം കാണാതായപ്പോൾ നീ ഇങ്ങനെ പറയുന്നു. അപ്പോ പത്തു മാസം ചുമന്ന് പെറ്റ, ഞാന് ഉണ്ണാതെ ഊട്ടി വളര്ത്തിയ, 
ഞാന് താരാട്ട് പാട്ട് പാടി ഉറക്കിയ, എന്റെ കണ്ണ് നിറഞ്ഞാൽ കൂടെ കരഞ്ഞിരുന്ന, എന്നെ ജീവനു തുല്യം സ്നേഹിച്ചിരുന്ന എന്റെ മോനെ എന്നില് നിന്നും അകറ്റിയ മോള് ചെയ്തതാണോ പുണ്യം.
 സ്വന്തം മകനെ കൊണ്ട് എന്നെ വൃദ്ധസദനത്തിൽ ആക്കിച്ചതാണോ പുണ്യം"
കൂടി നിന്നിരുന്ന ആളുകള് അബ്ദുവിനെയും ഭാര്യയേയും പുച്ഛത്തോടെ നോക്കി. അബ്ദുവിന്റെ കണ്ണുകള് നിറഞ്ഞൊഴുകുന്നത് ഉമ്മ കണ്ടു

" എന്റെ മോന് കരയേണ്ട . 
അത് ഈ ഉമ്മാക്ക് സഹിക്കാന് പറ്റില്ല. ഞാന് ഇപ്പോ പറയുന്നത് മോന് ചിലപ്പോള് മനസ്സിലാവില്ല."

നാളെ നിങ്ങളുടെ മക്കള് നിങ്ങളോട് ഇങ്ങനെ ചെയ്യുമ്പോഴേ മനസ്സിലാകൂ"
ഉമ്മ പറഞ്ഞു തീര്ന്നതും അബ്ദു ഉമ്മയുടെ കാലില് വീണതും ഒരുമിച്ചായിരുന്നു.
ഈ ലോകത്തില് നാം ഒരു വഴിയാത്രക്കാരനാണ്...
ദൈവ ഹിതം അറിയാനും അതനുസരിച്ച് പ്രവര്ത്തിക്കാനും സർവ്വശക്തൻ തുണക്കട്ടെ.
അമീൻ
ഉമ്മാക്ക് പകരം ഉമ്മ മാത്രം..ജീവിച്ചിരിക്കുന്ന
ഉമ്മമാർക്ക് ദീർഘായുസ്സും നമ്മെ വിട്ടുപിരിഞ്ഞുപോയ ഉമ്മമാർക്ക് സ്വർഗ്ഗം നൽകി അനുഗ്രഹിക്കണേ നാഥാ.....

___________________________________________
.

ഇവിടെ എനിക് മാത്രം അല്ല ,നിങ്ങൾക്കും എഴുതാം...

എഴുതാൻ ആഗ്രഹമുള്ളവർ contact ചെയ്യൂ...

അമ്മമാർ കണ്ണുമൂടി കെട്ടിയ ഗാന്ധാരി ആകരുത്....

ഒരിക്കൽ ഗന്ധാരി, ഭഗവാൻ കൃഷ്ണനോട് പറഞ്ഞു :
കൃഷ്ണാ, പാണ്ഡവർ യുദ്ധം ജയിച്ചതിനും എന്റെ മക്കളെല്ലാം വധിക്കപ്പെട്ടതിനും ഒരു കാരണം നീയാണ്.”

ശ്രീകൃഷ്ണൻ പറഞ്ഞു..

“ഞാൻ ആരെയും രക്ഷിക്കയോ, ശിക്ഷിക്കയോ ചെയ്തിട്ടില്ല. അവരവരു ചെയ്യുന്ന പ്രവൃത്തിയുടെ ഫലം അവരവർ അനുഭവിക്കുന്നു; അത്ര മാത്രം.
ഒരു മാതാവ് എന്ന നിലയിൽ അങ്ങ് മക്കളെ ശാസിച്ചിട്ടുണ്ടോ..?
അന്ധനായ ഭർത്താവിന്റെ കണ്ണുകളാവേണ്ടതിനു പകരം, അങ്ങ് ക്ഷണിച്ചു വരുത്തിയ അന്ധതയുമായി കാലം പാഴാക്കി. കണ്ണും മൂടിക്കെട്ടി ഇങ്ങനെ ഇരുന്നാൽ, ഇതുതന്നെ ഫലം.
കുന്തിദേവിയെ നോക്കൂ, ഭർത്താവ് മരിച്ചിട്ടും പുത്രന്മാരുടെ കൂടെ കുന്തി ദേവി സദാ ഉണ്ടായിരുന്നു. അവരുടെ സുഖത്തിലും, ദുഃഖത്തിലും കുന്തി ദേവി പിന്തിരിഞ്ഞില്ല. മാതാവിന്റെ സാമീപ്യം പാണ്ഡവരെ ധർമ്മ ബോധമുള്ളവരാക്കി.
അങ്ങനെയുള്ള ഒരു പരിചരണം, ശ്രദ്ധ, നിങ്ങളുടെ മക്കൾക്ക് അമ്മയിൽ നിന്നു ഒരിക്കലും ലഭിച്ചില്ല; അതുകൊണ്ടു തന്നെ അവർക്കു വഴിതെറ്റി.” 


അമ്മയുടെ സ്നേഹവും ശാസനയും മക്കളുടെ ശരിയായ വളർച്ചയ്ക്ക് അത്യന്താപേക്ഷിതമാണ്. ഇന്നത്തെ തിരക്കുപിടിച്ച ജീവിതത്തിൽ, പല കുഞ്ഞുങ്ങൾക്കും ഇത് നിഷേധിക്കപ്പെടുന്നു.
പുരാണകഥകളും കുടുംബബന്ധങ്ങളുടെയും ആചാരമര്യാദകളുടെയും കഥകൾ പറഞ്ഞുകൊടുക്കേണ്ട മുത്തശ്ശിയും മുത്തച്ഛനും വൃദ്ധസദനങ്ങളിലാണ്. മുത്തശ്ശിക്കഥകൾ കേട്ടുറങ്ങേണ്ട കുഞ്ഞുങ്ങൾ ടീവി സീരിയലുകൾ കണ്ടുറങ്ങുന്നു. അണുകുടുംബങ്ങളിലെ അച്ഛനുമമ്മയും വീട്ടിൽ മക്കൾക്ക് ഇന്റർനെറ്റ് സംവിധാനങ്ങൾ ഒരുക്കികൊടുത്തിട്ടു, ജോലികഴിഞ്ഞെത്തുമ്പോഴേക്കും രാത്രിയാകും... പൂജാമുറിയിലെ നിലവിളക്കുകൾ കത്താറേയില്ല..
നമ്മുടെ പെൺകുഞ്ഞുങ്ങൾക്ക് കെണിയൊരുക്കി കാത്തിരിക്കുന്നവരെക്കുറിച്ചു നമ്മൾ അറിയുന്നില്ല...
അറിയുന്നത് കെണിയിൽ വീണുകഴിഞ്ഞു മാത്രം.....

അമ്മമാർ കണ്ണുമൂടി കെട്ടിയ ഗാന്ധാരി അല്ല...കണ്ണു തുറന്നിരുന്ന കുന്തി ആകുക....!!
________________________________________

ഇൗ കഥയും അതിലെ ആശയവും നിങ്ങളുടെ മനസ്സ് തുറപ്പിക്കുകയും ഭാവിയിൽ ഇത് പ്രയോജനപെടുകയും ചെയ്യട്ടെ എന്ന് പ്രാർത്ഥിക്കുന്നു.

👉 Follow ചെയ്യൂ Twitter ല്‍‌👈

നന്ദി..

ഭർത്താക്കന്മാരെ ആവിശ്യമുണ്ട്....

ഒരാൾ തോപ്പുംപടിയിൽ പുതിയ ഭര്ത്താക്കന്മാരെ വില്ക്കുന്ന ഒരു കട ആരംഭിച്ചു.
ആവശ്യമുള്ള സ്ത്രീകള്ക്ക് കടയില് നേരിട്ട് ചെന്ന് ഇഷ്ടം ഉള്ള പുരുഷനെ ഭര്ത്താവായി വിലക്ക് വാങ്ങാം.. കടക്കു മൊത്തം ആറു നിലകളുണ്ട്..
ഓരോ നില മുകളിലേക്ക് കയറുമ്പോഴും ഭര്ത്താവിന്റെ വില കൂടി കൊണ്ടിരിക്കും..
ഒരു സ്ത്രീ ഭര്ത്താവിനെ വാങ്ങാന് വന്നു.
ഒന്നാം നിലയിലേ ബോര്ഡ്: ഇവിടെയുള്ള പുരുഷമാര്ക്ക് ജോലിയുണ്ട്..
അവള് അടുത്ത നിലയിലേക്ക് കയറി.
രണ്ടാം നിലയിലെ ബോര്ഡ് :
ഇവിടെ ഉള്ള പുരുഷമാര്ക്ക് ജോലിയുണ്ട്..
കുട്ടികളെ സ്നേഹപൂര്വ്വം പരിപാലിക്കുന്നവരാണ്.. അവളടുത്ത നിലയിലേക്ക് കയറി.
മൂന്നാം നിലയിലെ ബോര്ഡ് :
ഇവിടെയുള്ള പുരുഷമാര്ക്ക് ജോലിയുണ്ട്..
കുട്ടികളെ സ്നേഹപൂര്വ്വം പരിപാലിക്കുന്നവരാണ്..
നല്ല സുന്ദരന്മാരുമാണ്.. കൊള്ളാമല്ലോ..
അവള് ചിന്തിച്ചു..
പക്ഷെ അടുത്ത നിലയിലേക്ക് കയറി..
നാലാം നിലയിലെ ബോര്ഡ് :
ഇവിടെയുള്ള പുരുഷമാര്ക്ക് ജോലിയുണ്ട്.. കുട്ടികളെ സ്നേഹപൂര്വ്വം പരിപാലിക്കുന്നവരാണ്..
നല്ല സുന്ദരന്മാരാണ്..
വീട്ടുജോലിയിലും സഹായിക്കും.
എന്റെ ദൈവമേ ഇങ്ങനെയാരെങ്കിലും ഉണ്ടാവുമോ..
അവളുടെ ചിന്ത.. എന്നാലും അവള് അടുത്ത നിലയിലേക്ക് കയറി..
അഞ്ചാം നിലയിലെ ബോര്ഡ് :
ഇവിടെയുള്ള പുരുഷമാര്ക്ക് ജോലിയുണ്ട്..
കുട്ടികളെ സ്നേഹപൂര്വ്വം പരിപാലിക്കുന്നവരാണ്..
നല്ല സുന്ദരന്മാരാണ്.. വീട്ടുജോലിയില് സഹായിക്കും,
അതോടൊപ്പം വളരെ റൊമാന്റിക് നേച്ചര് ഉള്ളവരുമാണ്..
അവള്ക്കു ആ ഫ്ലോറിലേക്ക് കയറാന് ഒരു പ്രലോഭനം വന്നു.. എന്നാലും പക്ഷെ വീണ്ടും അടുത്ത നിലയിലേക്ക് പോയി..
ആറാം നിലയിലെ ബോര്ഡ്:
നിങ്ങള് ഇവിടുത്തെ 31,456 ആം നമ്പര് വിസിറ്റര് ആണ്. ഈ ഫ്ലോറില് പുരുഷന്മാര് ആരുമില്ല..
പക്ഷെ ഈ ഫ്ലോര് ഇവിടെ ഉള്ളതിന്റെ ഉദ്ദേശം സ്ത്രീകളെ ഒരിക്കലും തൃപ്തിപ്പെടുത്താന് സാധിക്കില്ല എന്നത് തെളിയിക്കാന് വേണ്ടി മാത്രമാണ്.. അതിന് മാത്രം ! ! ! ! ഭര്ത്താക്കന്മാരെ വില്ക്കുന്ന ഈ കടയില് ഷോപ്പിംഗ് നടത്തിയതിനു നന്ദി.. : ! ! !
(തുടര്ന്നും വായിക്കുക)
ഇതേ കടക്കാരന് തൊട്ടടുത്തു പുതിയ ഭാര്യമാരെ വില്ക്കുന്ന മറ്റൊരു കടയും നടത്തുന്നുണ്ടായിരുന്നു..
ഒന്നാം നിലയിലെ ബോര്ഡ്:
ഇവിടെ ഭര്ത്താക്കന്മാര് പറയുന്നത് ക്ഷമയോട് കേള്ക്കുന്ന ഭാര്യമാരെ ലഭിക്കും..!! !!
-- --
--
--
രണ്ടും, മൂന്നും, നാലും, അഞ്ചും, ആറും നിലകളിലേക്ക് ഇന്ന് വരെ ഒരൊറ്റ പുരുഷനും കയറിയിട്ടില്ല..! !
നമ്മള്ക്ക് ഇത്രയൊക്കെ മതിയെ .! !

ഓഷോ* തന്റെ ശിഷ്യരോട് പറഞ്ഞ മനോഹരമായ ഒരു കഥയുണ്ട്:-_

ഭൂമിയിൽ ഈശ്വരൻ മനുഷ്യനെയും മറ്റെല്ലാ ജീവജാലങ്ങളെയും സൃഷ്ടിച്ചു. അതി ദീർഘമായ സൃഷ്ടി പ്രക്രിയയ്ക്കു ശേഷം ഈശ്വരൻ വിശ്രമ മാരംഭിച്ചു.
മൃഗങ്ങളും മറ്റു ജീവ ജാലങ്ങളും തങ്ങൾക്ക് ലഭിച്ച ജന്മത്തിൽ സംതൃപ്ത രായിരുന്നു. എന്നാൽ മനുഷ്യൻ മാത്രം തൃപ്തനാ യിരുന്നില്ല. അവർ ഒരോ രുത്തരായി ദൈവത്തെ കണ്ട് പരാതികൾ പറഞ്ഞു കൊണ്ടിരുന്നു. അവർ ഒരിക്കലും ദൈവത്തിനെ വിശ്രമിക്കാൻ അനുവദിച്ചില്ല. ദൈവം പല സ്ഥലങ്ങളിലും പോയി ഒളിച്ചു താമസിച്ചു. പക്ഷെ അവിടെയെല്ലാം മനുഷ്യൻ തേടിയെത്തി.
ഒടുവിൽ സഹികെട്ട ദൈവത്തെ ദൈവദൂതന്മാർ ഉപദേശിച്ചു.
പ്രഭോ, അവിടുന്ന് ഈ ബ്രഹ്മാണ്ഡത്തിന്റെ ഏത് കോണിൽ പോയി ഒളിച്ചാലും അവിടെ യെല്ലാം മനുഷ്യർ അങ്ങയെ തേടിയെത്തും
അതുകൊണ്ട് അങ്ങ് അവർ തേടിവരാൻ ഇടയില്ലാത്ത മറ്റൊരിടം കണ്ടെത്തേണ്ടിയിരിക്കുന്നു. ദീർഘമായ ആലോചനയ്ക്കു ശേഷം അവർ ദൈവത്തിനു മുന്നിൽ ഒരു നിർദ്ദേശം വച്ചു. അങ്ങ് മനുഷ്യന്റെ യുള്ളിൽ തന്നെ വസിക്കൂ. മനുഷ്യൻ ഒരിക്കലും സ്വന്തം ഉള്ളിലുളളതിനെ കാണില്ല. അതു ശരിയാണെന്ന് ദൈവത്തിനും തോന്നി.
അന്നു മുതൽ ദൈവം മനുഷ്യന്റെ ഉള്ളിൽ കയറി താമസം തുടങ്ങി. തന്റെ ഉള്ളിൽ വസിക്കുന്ന ഈശ്വരനെ കാണാതെ അതേ ഈശ്വരനെ മനുഷ്യൻ ആരാധനാ ലയങ്ങളിൽ അന്വേഷിക്കാനും തുടങ്ങി.
ഒരിക്കലും അവസാനി ക്കാത്ത അന്വേഷണം.

അന്നദാനത്തിന്റെ മഹത്വം പറയുന്ന ഈ കഥ മഹാഭാരതത്തിലാണ് പറഞ്ഞിട്ടുള്ളത്.

...............................................................
കർണ്ണനും സുയോധനനും മരണശേഷം സ്വര്ഗ്ഗത്തിലെത്തി. രണ്ട് പേര്ക്കും ഉജ്ജ്വലമായ വരവേല്പ്പും കാര്യങ്ങളും ഒക്കെ ലഭിച്ചു. എന്നിട്ട് രണ്ട് പേര്ക്കും ഓരോ കൊട്ടാരം നല്കി. സകലവിധ സൌകര്യങ്ങളും ഉള്ള കൊട്ടാരങ്ങളില്, ദര്ബ്ബാറുകളും, നര്ത്തകിമാരും എല്ലാമുണ്ടായിരുന്നു. കുറച്ച് നേരം കഴിഞ്ഞു. കര്ണ്ണന് ദാഹം അനുഭവപ്പെട്ടു. വെള്ളം അന്വേഷിച്ച് കൊട്ടാരം മൊത്തം കറങ്ങി നടന്നു. ഒരിടത്തും കിട്ടിയില്ല. വെള്ളം മാത്രമല്ല, ഭക്ഷണവും അവിടെയെങ്ങും ഇല്ല എന്ന് മനസ്സിലായി. ഉള്ള ആപ്പിളും, മുന്തിരിയുമെല്ലാം തന്നെ സ്വര്ണ്ണത്തിലും വെള്ളിയിലും ഉള്ളതാണ്. വൈകുന്നേരമായപ്പോഴേക്കും കര്ണ്ണന് അവശനായി.ഗതിമുട്ടിയപ്പോള് കര്ണ്ണന് , കൃഷ്ണനെ കണ്ട് സങ്കടം ഉണര്ത്തിച്ചു. ഒന്നും തിന്നാനും കുടിക്കാനും തരാതെ എന്ത് സ്വര്ഗ്ഗം? സുയോധനന് എല്ലാ സൌഭാഗ്യവും ഉണ്ട്. എനിക്ക് ഭക്ഷണവും വെള്ളവും ഇല്ല. എന്നിങ്ങനെ പരാതികള് ലിസ്റ്റ് ഇട്ടു.
കൃഷ്ണന്:നീ ഭൂമിയില് എന്തൊക്കെ ചെയ്തൊ, അതനുസരിച്ചാണ് സ്വര്ഗ്ഗത്ത് നിനക്ക് ഓരോ സൌകര്യങ്ങള് കിട്ടുന്നത്. എന്നെങ്കിലും ദാഹിച്ച് വരുന്ന ഒരാള്ക്ക് വെള്ളമോ, വിശന്ന നടന്ന ഒരാള്ക്ക് ഭക്ഷണമോ നീ കൊടുത്തിട്ടുണ്ടോ? കൊടുത്തതെല്ലാം സ്വര്ണ്ണവും, വെള്ളിയും രത്നങ്ങളുമല്ലെ? പിന്നെ നിനക്ക് സ്വര്ഗ്ഗത്തിലെങ്ങനെ ഭക്ഷണം കിട്ടും?.
കര്ണ്ണന് ആകെ വിഷമത്തിലായി. കര്ണ്ണന്: ഭക്ഷണം കിട്ടാന് ഒരു വഴിയും ഇല്ലെ?
കൃഷ്ണന്: എന്നെങ്കിലും ആര്ക്കെങ്കിലും അന്നദാനം നടത്തുന്ന സ്ഥലത്തേക്ക് നീ വഴി പറഞ്ഞു കൊടുത്തിട്ടുണ്ടോ?
കര്ണ്ണന്: ഉണ്ട്. ഒരിക്കല് സുയോധനന് അന്നദാനം നടത്തിയപ്പോള് ഒരാള്ക്ക് ആ സത്രത്തിലേക്കുള്ള വഴി ചൂണ്ടിക്കാട്ടിയിട്ടുണ്ട്.

കൃഷ്ണന്: എന്നാല് നീ അന്ന് ചൂണ്ടിയ ആ വിരല് ഇപ്പോള് നുണഞ്ഞ് നോക്കൂ.
കർണൻ ഭഗവാനെ അനുസരിച്ചു. വലതു കയ്യിലെ ചൂണ്ടുവിരല് നുണഞ്ഞ കര്ണ്ണന് വിശപ്പ് മാറി എന്ന് ഐതീഹ്യം. അന്നദാന സത്രത്തിലേക്ക് ചൂണ്ടിക്കാട്ടിയ വിരലിന് ഇത്രയും പുണ്യമെങ്കില്, അന്നദാനം നടത്തുന്നവര്ക്ക് സ്വര്ഗ്ഗം നിശ്ചയമത്രേ!
ദാനങ്ങളില് വച്ച് ഏറ്റവും മഹത്തായത് അന്നദാനമാണ്. മറ്റു ഏതൊരുദാനവും അന്നദാനത്തോളം മാഹാത്മ്യമേറിയതാവില്ല. വിശന്നുവലഞ്ഞു വരുന്ന ഒരാള്ക്ക് അന്നം ലഭിക്കുമ്പോഴുണ്ടാകുന്ന ആശ്വാസവും അതു കഴിച്ചശേഷമുണ്ടാകുന്ന സംതൃപ്തിയും അന്നദാദാവിന് അനുഗ്രഹമായി പരിണമിക്കുന്നു. മറ്റൊരു ദാനം കൊണ്ട് കിട്ടുന്നയാള്ക്ക് തൃപ്തി വരണമെന്നില്ല. ധനം, വസ്ത്രം, സ്വര്ണ്ണം, ഭൂമി ഇവയില് ഏതു കൊടുത്താലും വാങ്ങുന്നയാള്ക്ക് കുറച്ച് കൂടി കൊടുത്താല് അതും അയാള് വാങ്ങും. എന്നാല് അന്നദാനം ലഭിച്ചാല്, വിശപ്പുമാറി കഴിഞ്ഞാല് സംതൃപ്തിയോടെ പുഞ്ചിരിച്ചുകൊണ്ട് പറയും മതിയെന്ന്. അന്നദാനത്തിലൂടെ ദാനം ഏറ്റുവാങ്ങുന്നയാളിന് പരിപൂര്ണ്ണ തൃപ്തിയാണ് ഉണ്ടാകുന്നത്. ഈ ഒരു തൃപ്തി മറ്റൊരു ദാനത്തിലൂടെയും ആര്ജ്ജിക്കാന് കഴിയില്ല. അന്നദാനം നടത്തിയാല് ദാരിദ്ര്യവും കടവും മാറുമെന്നാണ് വിശ്വാസം. കൂടാതെ കുടുംബത്തില് സമ്പത്ത് സമൃദ്ധിയും ഐശ്വര്യവുമുണ്ടാകും. ജീവന് നിലനിര്ത്താന് ഭക്ഷണം അത്യാവശ്യമാണ്. അന്നദാനം നല്കുന്നതിലൂടെ ഒരാള്ക്ക് ജീവന് നല്കുകയാണ് ചെയ്യുന്നത്. അതുകൊണ്ടാണ് അന്നദാനം മറ്റു ദാനങ്ങളെക്കാള് മഹത്തരമാണ് എന്നു പറയുന്നത്. ശിവപുരാണത്തിലാണ് അന്നദാനത്തെകുറിച്ച് പറഞ്ഞിരിക്കുന്നത്. 


'ഗജതുരംഗസഹസ്രം ഗോകുലം കോടി ദാനം
കനകരചിത പാത്രം മേദിനിസാഗരാന്തം;
ഉദയകുല വിശുദ്ധം കോടി കന്യാപ്രദാനം
നഹി നഹി ബഹുദാനം അന്നദാനസുസമാനം'



എന്നാണ് അന്നദാനത്തെ പ്രകീര്ത്തിക്കുന്നത്. അതായത് ആയിരം കൊമ്പനാനകള്, ആയിരം പടക്കുതിരകള്, ഒരു കോടി പശുക്കള്, നവരത്നങ്ങള് പതിച്ച അനവധി സ്വര്ണ്ണാഭരണങ്ങള്, പാത്രങ്ങള്, സമുദ്രത്തോളം ഭൂമീ എന്നിങ്ങനെ നിരവധി ദാനങ്ങള് ചെയ്താലും അതൊന്നും അന്നദാനഫലത്തിന് തുല്യമാകില്ല എന്നാണ്.

പ്രശ്ന പരിഹാരം തേടി...(എല്ലാവരും വായിച്ചിരിക്കേണ്ട ഒരു ഗുണപാഠ കഥ)

തട്ടിൻപുറത്തിരുന്ന എലിയാണ് ആദ്യം കണ്ടത്:
വീട്ടുകാരൻ ഒരു എലി കെണിയുമായി വരുന്നു!
പേടിച്ച എലി താഴെയിറങ്ങിയപ്പോൾ പറമ്പിലൂടെ പാമ്പുണ്ട് മാളത്തിലേക്ക് ഇഴഞ്ഞു പോകുന്നു.
" പാമ്പേ... സൂക്ഷിച്ചോ.. വീട്ടുകാരൻ എലിക്കെണി കൊണ്ടു വന്നിരിക്കുന്നു." എലി പറഞ്ഞു..
" അതിന് എനിക്കെന്താ ?! നീയല്ലേ സൂക്ഷിക്കേണ്ടത്?"
പാമ്പിന്റെ പരിഹാസം കേട്ട് എലി പറമ്പിലെ ആടിന്റെടുത്ത് വിവരം പറഞ്ഞു.
ആടും എലിയെ കളിയാക്കി തിരിച്ചയച്ചു .
പിന്നെ പോയത് പോത്തിന്റടുത്തേക്കാണ്. കേട്ടതും പോത്ത്തല കുലുക്കി അവനെ ഓടിച്ചു. "എലിക്കെണി നിന്നെ ബാധിക്കുന്ന പ്രശ്നം. എനിക്കെന്താ പ്രശ്നം?"

 തന്റെ വാക്ക് ആരും കേൾക്കാത്തതിൽ നിരാശനായി പാവം എലി തിരിച്ച് നടന്നു.
ദിവസങ്ങൾ കടന്നു പോയി.
ഒരു ഇരുട്ടുള്ള രാത്രി പാമ്പ് കെണിയിൽ കുടുങ്ങി -
വീട്ടുകാരൻ എലിയെന്ന് കരുതി ഓടി ചെന്നു. പാമ്പ് അയാളെ ആഞ്ഞു കൊത്തി. ആളുകൾ പാമ്പിനെ തല്ലിക്കൊന്നു.
വിഷമേറ്റയാളെ വൈദ്യരുടെ അടുത്തെത്തിച്ചു.
വൈദ്യർ ആടിൻ സൂപ്പ് കൊടുക്കാൻ പറഞ്ഞു. അങ്ങനെ ആടിന്റെ കഥയും കഴിഞ്ഞു. അവസാനം അയാൾ മരിച്ചു - അടിയന്തിരത്തിന് കുറെ ആള് വന്നു. പോത്തിനെ കശാപ്പ് ചെയ്തു അവർ വയർ നിറച്ചു.
എല്ലാറ്റിനും സാക്ഷിയായി നമ്മുടെ എലിയും.


ഗുണപാഠം: ഒരാൾക്ക് ഒരു പ്രശ്നം വന്നാൽ അത് എന്നെ ബാധിക്കില്ലല്ലോ...
എനിക്കെന്ത് കാര്യം? എന്ന് ചിന്തിക്കാതെ തന്റെ കൂടി പ്രശനമായി കണ്ട് പരിഹരിക്കാൻ ശ്രമിക്കുക.. അല്ലെങ്കിൽ നാളെ അത് നമ്മെ തേടിയെത്തും

13 ദുശ്ശകുന നമ്പറോ

മറ്റൊരു അന്ധവിശ്വാസമാണ്.. 13 എന്ന നമ്പറിന്മേൽ ഉള്ളത്.. ഇതെങ്ങനെ വന്നു എന്ന് കണ്ടു നോക്കുക.....
13 നമ്പർ ദുരൂഹതയോ ??......!!!!!!! പതിമൂന്നിന്റെ ദുശ്ശകുനവുമായി ബന്ധപ്പെട്ട ഈ ആഗോള മിത്തിന്റെ ഉറവിടം ഒരുപക്ഷേ, തങ്ങളുടെ 13ാം ദേവനെ, തിന്മയുടെ ദേവനായി കണ്ടിരുന്ന ഗ്രീക്ക് പുരാണങ്ങളിൽ നിന്നാവാം. ലോകത്തിൽ പല ആശുപത്രികള്ക്കും ഹോട്ടലുകള്ക്കും 13 എന്ന മുറിയേ ഉണ്ടാകാറില്ല. അനവധി വിമാനത്താവളങ്ങളിൽ 13ാം നമ്പര് എക്സിറ്റ് ഗെയ്റ്റിന് പകരം 12A എന്ന ഗേറ്റാണുണ്ടാവുക. എല്ലാ മാസങ്ങളിലും ഏറ്റവും കുറവ് വാഹന കച്ചവടം നടക്കുന്നത് 13ാം തീയതി ആണെന്ന് വാഹന വ്യാപാരികള് സാക്ഷ്യപ്പെടുത്തുന്നു. ഇന്ത്യയിൽ സംഭവിച്ചിട്ടുള്ള ഒട്ടുമിക്ക വന്സ്ഫോടനങ്ങളും നടന്നത് 13ാം തീയതികളിൽ ആണെന്നത് ആ ദിവസത്തെ സുരക്ഷയുടെ കാര്യത്തിൽ ഒരു പേടിസ്വപ്നമാക്കുന്നു. 2008-ലെ ദല്ഹി, ജയ്പൂർ സ്ഫോടനങ്ങള്, 2010-ലെ ജർമന് ബേക്കറി സ്ഫോടനം, 2011-ലെ മുംബൈയിലെ ഝവെരി ബസാർ സ്ഫോടനം എന്നിവയെല്ലാം ഉണ്ടായത് 13ാം തീയതികളിൽ ആണ്. 1997-ൽ ദൽഹിയിലെ ഉപഹാർ തിയേറ്ററിൽ ഉണ്ടായ തീപ്പിടിത്തം ഒരു വെള്ളിയാഴ്ച കൂടിയായിരുന്ന ജൂണ് 13ാം തീയതി ആയിരുന്നു. മുന് ഇറാഖ് പ്രസിഡണ്ട് സദ്ദാം ഹുസൈന്റെ പേരിൽ 13 അക്ഷരങ്ങള് ഉണ്ടായിരുന്നല്ലോ. അദേഹത്തെ അമേരിക്കന് സൈന്യം തടവിലാക്കിയത് ഒരു ജൂലൈ 13 നായിരുന്നു.

13 എന്ന അക്കത്തോടുള്ള ഈ ഭയത്തെ ‘ട്രിസ്കാഡെകാഫോബിയ’ എന്നാണ് വിളിക്കുന്നത്. ഈ അന്ധവിശ്വാസത്തിന്റെ ശക്തി മനസ്സിലാക്കാൻ വിചിത്രമായ ഒരു ഉദാഹരണം മതിയാകും. സാധാരണയായി, അയർ്ലണ്ടിലെ വാഹനങ്ങളുടെ നമ്പർ പ്ളേറ്റിൽ അത് വാങ്ങുന്ന വർ്ഷങ്ങളിലെ അവസാന രണ്ടക്കം ഉണ്ടായിരിക്കും. എന്നാൽ, 2013-ലെ 13 എന്ന അക്കം വാഹനത്തിൽ ഉണ്ടാവുമെന്ന പേടി, വണ്ടി വില്പനയില് കുറവ് വരുത്തിയെങ്കിലോ എന്നു ഭയന്ന വാഹന വ്യവസായികളുടെ സമ്മർദം നിമിത്തം ആ വർഷം ആ നിയമം അവിടത്തെ സര്ക്കാരിന് പിൻവലിക്കേണ്ടി വന്നു..
ഒരു മാസത്തിൽ 13ാം തീയതി വെള്ളിയാഴ്ചയാണെങ്കിൽ അതിനെ ഏറെ പേടിയോടെ ‘കറുത്ത വെള്ളി’ എന്നാണ് വിളിക്കുന്നത്. 13 നെ പേടിക്കാൻ യാതൊരു യുക്തിപരമായ കാരണങ്ങളും ഇല്ലെങ്കിലും പുരാണങ്ങള് അതിനെ ഒരു ദുശ്ശകുനമായി മുദ്രകുത്തിയിട്ടുണ്ട്.

ഇന്ത്യൻ രാഷ്ട്രീയത്തിൽ, 13 എന്ന അക്കത്തിന്റെ നന്മ – തിന്മകള് ഏറ്റവും കൂടുതല് ചർ്ച്ച ചെയ്യപ്പെട്ടത് ബി.ജെ.പിയുമായി ബന്ധപ്പെടുത്തിയാണ്. വാജ്പേയിയുമായി ഒന്നിലേറെ രീതികളിൽ ഈ ഭയം ബന്ധപ്പെട്ടിരുന്നു. അദേഹത്തിന്റെ ആദ്യ സര്ക്കാർ 13 ദിവസവും രണ്ടാം സര്ക്കാർ 13 മാസവും ആണ് അധികാരത്തിൽ ഇരുന്നത്. 1999 ഒക്ടോബര് മാസം 13ാം തീയതി സത്യപ്രതിജ്ഞ ചെയ്ത് അധികാരത്തിലേറിയ 13ാം ലോകസഭയില് മാത്രമാണു വാജ്പേയി സർക്കാരിന് അഞ്ചു വർ്ഷം തികയ്ക്കാൻ സാധിച്ചത്. കാലാവധി തീരും മുന്പെ തന്നെ തെരഞ്ഞെടുപ്പിനെ നേരിടാൻ് തയ്യാറായ എൻ.ഡി.എ സര്ക്കാരിന്റെ അമിത ആത്മവിശ്വാസവും അടുത്ത വാജ്പേയി സര്ക്കാർ 13 വര്ഷം തികയ്ക്കും എന്ന ബി.ജെ.പി വക്താവിന്റെ അത്യാഗ്രഹവും തകർ്ത്തുകൊണ്ട് 2004 മെയ് 13-ന് നടന്ന വോട്ടെണ്ണലില് യു.പി.എ. അധികാരത്തില് ഏറിയത് ചരിത്രമാണ്. എന്നാൽ വാജ്പേയീ സർക്കാരിന്റെ ഭരണകാലത്തു സംഭവിച്ച ഏറ്റവും വലിയ ദുരന്തങ്ങളിൽ ഒന്ന് 2001 ഡിസംബർ 13 ന് സംഭവിച്ച പാർ്ലമെന്റ് ആക്രമണം ആയിരുന്നു. അതിലെ മുഖ്യ പ്രതിയെന്ന് സംശയിക്കപ്പെട്ടിരുന്ന അഫ്സൽ ഗുരുവിനെ തൂക്കിലേറ്റിയത് 2013-ൽ ആയിരുന്നു. 2001 ൽ വാജ്പേയിയുടെ ജന്മദിനത്തിൽ തീവ്രവാദികള് റാഞ്ചിയ ഇന്ഡ്യൻ വിമാനത്തിന്റെ നമ്പർ IC 814 ആയിരുന്നു. അതിലെ അക്കങ്ങളുടെ തുകയും 13 തന്നെ. 2014സെപ്തംബര് 13-നു, അതും ഒരു വെള്ളിയാഴ്ച കൂടിയായ 13ാം തീയതി തന്നെ, തന്റെ പ്രധാനമന്ത്രി സ്ഥാനാര്ഥിത്വം പ്രഖ്യാപിക്കാൻ നരേന്ദ്ര മോദി തിരഞ്ഞെടുത്തു എന്നത് ആശ്ചര്യമായി തോന്നിയേക്കാം.

ഇനി കേരളസംസ്ഥാനത്തിന്റെ കാര്യം നോക്കാം. സംസ്ഥാനമന്ത്രിസഭയിൽ ആരും ഏറ്റെടുക്കാനില്ലാതിരുന്നു 13 ാം നമ്പറിന്റെ ഔദ്യോഗിക കാർ,,..
ധനമന്ത്രി തോമസ് ഐസക്ക് ഈ കാര് ആവശ്യപ്പെട്ടതിനെത്തുടര്ന്ന് പിണറായി സര്ക്കാർ തുടങ്ങിവച്ച വിവാദത്തിന് അന്ത്യമായി. കാറിനായി തോമസ് ഐസക്ക് ആവശ്യം ഉന്നയിച്ചെങ്കിലും അനുവദിച്ച് കിട്ടാൻ വൈകി. നിലവിൽ 13ാം നമ്പർ കാർ ഇല്ലാത്തതാണ് ഇതിനു കാരണം. കഴിഞ്ഞ യുഡിഎഫ് സര്ക്കാർ് 13ാം നമ്പർ കാർ ഒഴിവാക്കിയതിനാൽ പുതിയ കാർ വാങ്ങിയാൽ മാത്രമെ 13ാം നമ്പർ അനുവദിക്കാൻ കഴിയു എന്ന അറിയിപ്പാണ് കിട്ടിയത്.
ആദ്യമായി തിരുവനന്തപുരത്തെ എം.എൽ.എ ഹോസ്റ്റലിലെ 13ാം നമ്പര് മുറിയിൽ ആള് താമസം ഉണ്ടായത് ഏതാനും വർ്ഷങ്ങള്ക്ക് മുന്പ് സൈമൺ ബ്രിട്ടോ MLA അത് സ്വന്തമാക്കിയപ്പോള് മാത്രമാണ്. അതിനുമുന്പുവരെ 13-ാം മുറിയുണ്ടായിരുന്നില്ല.
കേരള ഹൈക്കോടതിയും 13ാം നമ്പർ മുറിയെന്നാരു മുറിയില്ല. നൂറുകണക്കിന് മുറികളുളള ഹൈക്കോടതിയിൽ 13 ാം നന്പര് മുറി മാത്രം എങ്ങനെ അപ്രത്യക്ഷമായി എന്നത് ആര്ക്കും അറിയില്ല..ഹൈക്കോടതിയിലെ ഹാളുകള്ക്കു നമ്പറിട്ടപ്പോള്‍ 13 ഒഴിവാക്കിയിരുന്നു. ഇതിനെതിരെ സുപ്രീം കോടതിയിൽ വരെ ഹര്ജിയെത്തി.
അതേസമയം 13ാം നമ്പറിനെ നിർ്ഭാഗ്യത്തിന്റെ അക്കമായി കണക്കാക്കുന്ന വിശ്വാസം ലോകത്തുടനീളമുണ്ട്. അക്കം, ദിവസം, ശകുനം, ഗ്രഹനില തുടങ്ങിയ കാര്യങ്ങളിൽ വിശ്വാസമില്ലാത്ത ഇസ്ലാംമതക്കാർക്ക് ഭൂരിപക്ഷമുള്ള നാടുകളിൽ മാത്രമേ 13 ന് നിർഭാഗ്യജാതകമില്ലാതുള്ളൂ. എന്നാൽ 13 ന്റെ നിർഭാഗ്യം എന്ന പൊതുവിശ്വാസത്തിൽ പങ്കാളികളാണ് പലപ്പോഴും അവരും.
സ്കാന്ഡിനേവിയൻ മിത്തോളജി അനുസരിച്ച് 12 ദേവന്മാരാണുള്ളത്.13 ാമനായി ലോകി പ്രത്യക്ഷപ്പെട്ടു. ക്രൂരനും കുഴപ്പക്കാരനുമായ ഈ ദേവനുണ്ടാക്കിയ പ്രയാസങ്ങള്മൂലം പ്രസ്തുത അക്കം നിർഭാഗ്യസൂചകമായി എന്നാണു വിശ്വാസം.
എന്നാൽ ക്രിസ്തുവിന്റെ അവസാനത്തെ അത്താഴവേളയിൽ 13 പേരാണുണ്ടായിരുന്നത് എന്നും പതിമൂന്നാമത്തെ ആള് യൂദാസായിരുന്നു എന്നും വലിയൊരുവിഭാഗം ആളുകള് കരുതുന്നു.13 ാമൻ യേശുവിനെ ഒറ്റിക്കൊടുത്തതോടെ ആ അക്കത്തിനു ചുറ്റും നിർഭാഗ്യം നിലയുറപ്പിച്ചു. ക്രിസ്തീയ യൂറോപ്പും അമേരിക്കയും തങ്ങളുടെ കോളനികളിലേക്ക് ഈ അന്ധവിശ്വാസം പകർന്നുകൊടുക്കുകയും ചെയ്തു. യഥാര്ഥത്തിൽ, ക്രിസ്തുവിനു മുൻപും 13 മോശം സംഖ്യയെന്ന വിശ്വാസം പാശ്ചാത്യര്ക്കിടയില് ഉണ്ടായിരുന്നു.
എന്നാൽ 13 നിർഭാഗ്യസംഖ്യയാണെന്നു ഭാരതീയ ഗ്രന്ഥങ്ങളിലൊന്നും പരാമർ്ശമില്ല

വിജ്ഞാനം തേനാണ്.

📖 അടി പേടിച്ചു പഠനം നിര്ത്തിയ മകനെ പണ്ഡിതനായ ഒരു പിതാവ് ഉപദേശിച്ചതു കാണുക:
മോനേ, അല്പകാലത്തെ ശിക്ഷ ഭയന്നാണു നീ പഠനം ഉപേക്ഷിക്കുന്നതെങ്കില് നീ ചെയ്യുന്നതു വിഡ്ഢിത്തമാണ്. കാരണം, പഠനം നിര്ത്തിയാല് അതുമുതല് ജീവിതാന്ത്യം വരെ നിനക്കു ശിക്ഷയനുഭവിക്കേണ്ടി വരും. കാരണം അറിവില്ലായ്മയാണ് ഏറ്റവും വലിയ ശിക്ഷ. വിദ്യാലയത്തില്നിന്ന് അധ്യാപകന്റെ ചെറിയ അടി സഹിക്കാന് നിനക്കാവുന്നില്ലെങ്കില് സമൂഹത്തിന്റെ വലിയ അടി നിനക്കെങ്ങനെ താങ്ങാനാകും…? അധ്യാപകന് നിന്നെ ചീത്ത പറഞ്ഞതു നിനക്കു താങ്ങാനാകുന്നില്ലെങ്കില് സമൂഹം നിന്നെ ചീത്ത പറയുന്നതും പരിഹസിക്കുന്നതും നിനക്കെങ്ങനെ താങ്ങാനാകും…? പഠിക്കാത്തതിന്റെ പേരില് അധ്യാപകന് നിന്നെ ക്ലാസില്നിന്നു പുറത്താക്കിയതു നിനക്ക് അസഹ്യമായെങ്കില്‍ അറിവില്ലാത്തതിന്റെ പേരില് സമൂഹം നിന്നെ സുപ്രധാനമേഖലകളി ല്നിന്നെല്ലാം പുറത്താക്കുമ്പോള് അതു നിനക്കെങ്ങനെ സഹ്യമാകും..?
മോനേ, അല്പകാലം ത്യാഗം ചെയ്യേണ്ടി വരും. ചീത്തയും പരിഹാസവും അടിയും പിടിയും സഹിക്കേണ്ടി വരും. ഈ ചെറുത്യാഗങ്ങള് ഈ ചെറുപ്പത്തില് സഹിച്ചു പഠിച്ചാല്പിന്നെ ചീത്ത കേള്ക്കേണ്ടി വരില്ല. ത്യാഗം ചെയ്യേണ്ടി വരില്ല. ജീവിതം സുഖപ്രദമായിരിക്കും.
ഇപ്പോൾ ചെറിയ ത്യാഗം ഭയന്നു ഭാവിയിൽ വലിയ ത്യാഗം നീ ഏറ്റെടുക്കരുത്. അറിവു സമ്പാദിക്കാന് അധ്വാനമുണ്ടാകും. പക്ഷേ, 'അറിവില്ലായ്മ കൊണ്ടുനടക്കാനാണ്' അതിലേറെ അധ്വാനം വേണ്ടി വരിക.
മോനേ, ഒട്ടും പരിചയമില്ലാത്ത നാട്ടിലെത്തിപ്പെട്ടാല് ഏതു നട്ടുച്ചയാണെങ്കിലും വഴിതെറ്റിപ്പോകാന് സാധ്യതയേറെയാണ്. എന്നാല് ഏതു കട്ടപിടിച്ച ഇരുട്ടാണെങ്കിലും സ്വന്തം നാട്ടില് ബസിറങ്ങിയാല് വീട്ടിലേക്ക് ആരോടും വഴിചോദിക്കാതെ നീ പോകും, ഇല്ലേ..? എന്താണു കാരണം..? രാത്രിയുടെ ഇരുട്ടല്ല ഇരുട്ട്.!. മറിച്ച് അറിവില്ലായ്മയാണ് യഥാര്ഥ ഇരുട്ട്.! അറിവില്ലെങ്കില്‍ പകല്പോലും രാത്രിയാണ്. അറിവുണ്ടെങ്കില്‍ രാത്രിപോലും പകലാണ്.
അറിവുള്ളവന് ഏതു വിദേശവും സ്വദേശം. അറിവില്ലാത്തവനു സ്വന്തം ദേശം പോലും അപരിചിത ദേശം. മോനേ, നീ മൃഗമല്ല, മനുഷ്യനാണെന്നോര്ക്കണം. സര്വജീവജാലങ്ങളില് വച്ചേറ്റം ഉല്കൃഷ്ടമായ ജീവി. മനുഷ്യജീവിയായ നിന്നെ മറ്റിതര ജീവികളില്നിന്നു വേര്തിരിക്കുന്ന ഘടകം തടിയോ മുടിയോ ശക്തിയോ വലിപ്പമോ അല്ല. തടികൊണ്ടാണു നീ ഉയര്ന്നതെങ്കില് നിന്നെക്കാള് ഉന്നതന് ആനയാണ്. ശക്തി കൊണ്ടാണ് ഉയര്ന്നതെങ്കില് നിന്നെക്കാള് ഉന്നതന് കാട്ടുപോത്താണ്. നീളം കൊണ്ടാണെങ്കില് ജിറാഫ് നിന്നെക്കാള് എത്ര ഉയരുമുള്ള ജീവിയാണ്. പക്ഷേ, അതൊന്നുമല്ല നിന്നെ വേര്തിരിക്കുന്ന ഘടകം. അത് അറിവുമാത്രമാണ്.
അറിവാണു ശക്തി. ആ ശക്തിയുണ്ടെങ്കില് പക്ഷികളെയും വെല്ലുന്നവിധം ആകാശത്തുകൂടെ നിനക്കു പാറിപ്പറക്കാം. ആ ശക്തിയുണ്ടെങ്കില് മത്സ്യങ്ങളെയും വെല്ലുംവിധം ആഴിയുടെ ആഴക്കയങ്ങളിലൂടെ നിനക്ക് ഊളിയിട്ടു സഞ്ചരിക്കാം. ആ ശക്തിയുണ്ടെങ്കില് ചീറ്റപ്പുലികളെപോലും തോല്പിക്കുന്ന വിധം നിനക്കോടാം.
മോനേ, അറിവുണ്ടെങ്കില്‍ നീ ദരിദ്രനാണെങ്കിലും  ധനികനാണ്. അറിവില്ലെങ്കില്‍ നീ ധനികനാണെങ്കിലും ദരിദ്രനാണ്. അറിവുണ്ടെങ്കില്‍ നീ പ്രജയാണെങ്കിലും രാജാവാണ്. അറിവില്ലെങ്കില്‍ നീ രാജാവാണെങ്കിലും പ്രജയാണ്. അറിവുണ്ടെങ്കില്‍ എല്ലാ അപരിചിതരും നിനക്കു പരിചിതരാണ്. അറിവില്ലെങ്കില്‍ പരിചിതര് പോലും നിനക്ക് അപരിചിതരാണ്.
അറിവുണ്ടെങ്കില്‍ നീ വനാന്തരങ്ങളില് പോയി ഏകാന്തമായിരുന്നാല്പോലും ജനം നിന്നെ തേടിയെത്തും. അറിവില്ലെങ്കില്‍ നീ ജനമധ്യത്തില് നിലയുറപ്പിച്ചാലും നിന്നെ ആരും ശ്രദ്ധിക്കില്
മോനേ, വിജ്ഞാനം തേനാണ്. തേനെടുക്കുമ്പോള് തേനീച്ചയുടെ കുത്തേല്ക്കേണ്ടി വരികയെന്നതു സ്വാഭാവികം. കുത്തേറ്റു കിട്ടിയ തേനിന് ഇരട്ടി മധുരമുണ്ടാകും. കുത്ത് ഭയന്നു രംഗംവിട്ടാല് തേന് നുണയാന് കഴിയില്ല… എനിക്കു പറയാനേ കഴിയൂ. ചെയ്യേണ്ടതു നീയാണ്.ഇനി എന്തു ചെയ്യണമെന്നു നീ തന്നെ തീരുമാനിച്ചോളൂ..
നമ്മുടെ കുടുംബത്തിലെ എല്ലാ നല്ല മക്കൾക്കും വേണ്ടി സമർപ്പിക്കുന്നു.ഗുരു ദക്ഷിണയായി വിരൽ മുറിച്ചു നൽകിയ പാരമ്പര്യം മറക്കരുത്.

ഒരു തപാല് പെട്ടിയുടെ കഥ …

ഒരിക്കല് ഞാന് നിങ്ങളുടെ ആരൊക്കെയോ ആയിരുന്നു... …..
കത്തുകളുമായി സൈക്കിളില് ഇടവഴികളിലൂടെ വരാറുണ്ടായിരുന്ന പോസ്റ്മാനെയും തിരക്കി നിങ്ങള് ഒരിക്കലെങ്കിലും കാത്തിരുന്നിട്ടുണ്ടാവണം … നാളെ നിങ്ങള് ഈ വഴി കടന്നു പോകുമ്പോള് , നിങ്ങളുടെ കുട്ടികള്ക്ക് പറഞ്ഞു കൊടുക്കണം എന്റെ കഥ … നിറം മങ്ങിയ ഒരു ചുവന്ന പെട്ടിയുടെ കഥ … ഒരു അഞ്ചല് പെട്ടിയുടെ കഥ … ഒരു തപാല് പെട്ടിയുടെ കഥ … ഒരു പോസ്റ്റ് ബോക്സിന്റെ കഥ …
സ്വാതന്ത്ര്യാനന്തര ഇന്ത്യയിലെ ഔദ്യോഗിക പോസ്റ്റൽ സർവീസ് രൂപം കൊള്ളുന്നതിനുമുമ്പ് തിരുവിതാംകൂർ, കൊച്ചി എന്നീ നാട്ടുരാജ്യങ്ങളിൽ നിലവിൽനിന്നിരുന്ന പഴയകാല ആഭ്യന്തര തപാൽ സമ്പ്രദായമാണ് അഞ്ചൽ സമ്പ്രദായം. 1951 ൽ ഇന്ത്യൻ കമ്പിതപാൽ വകുപ്പിൽ ലയിക്കുന്നതുവരെ അഞ്ചൽ സമ്പ്രദായം നിലനിന്നു.
സന്ദേശവാഹകൻ, ദൈവദൂതൻ എന്നെല്ലാം അർത്ഥമുള്ള ആഞ്ചെലസ് എന്ന ഗ്രീക്ക് പദത്തിൽ നിന്നാണ് അഞ്ചൽ എന്ന വാക്കിന്റെ ഉത്ഭവം.
കേരളത്തിൽ അതിപ്രാചീനകാലം മുതൽക്കുതന്നെ ചാരന്മാർ വഴി കത്തിടപാടുകൾ നടത്തിയിരുന്നു. മാർത്താണ്ഡവർമ്മയുടെ കാലം മുതൽ വിരുത്തി(വൃത്തി) അനുഭവക്കാരായ ചാരന്മാർ മുഖാന്തരം സർക്കാർ സാധനങ്ങളും കൊട്ടാരം വക നീട്ടുകളും കച്ചേരികളിൽ എത്തിച്ചുകൊടുക്കാൻ ഒരു വ്യവസ്ഥ ആരംഭിച്ചു. അവർക്ക് സ്ഥാനചിഹ്നമായി ശംഖുമുദ്രയും “ ശ്രീപദ്മനാഭൻ തുണ ” എന്നു ലിഖിതമുള്ള വെള്ളിത്തടികൾ നൽകിയിരുന്നു. തിരുവിതാം കൂറിലെ രാമവർമ്മ മഹാരാജാവ് കൊല്ലവർഷം 959ൽ ‘സന്ദേഹവാഹക’ ഏർപ്പാടിൽ ചില പരിഷ്കാരങ്ങൾ വരുത്തി. അത് കേണൽ മൺട്രോയുടെ ഔദ്യോഗികകാലം വരെ നിലവിലിരുന്നു. കേണൽ മൺട്രോയാണ് സന്ദേശവാഹക ഏർപ്പാടിന് ‘അഞ്ചൽ’ എന്നു നാമകരണം ചെയ്തത്. റോഡുകൾക്ക് നിശ്ചിത ദൂരത്തിലായി ഓട്ടക്കാർ നിന്നിരുന്നു. ഇവർ ഒരു നിശ്ചിത ദൂരം സന്ദേശം കൊണ്ട് ഓടി അടുത്തയാൾക്ക് കൈമാറും. ഇങ്ങനെയാണ് സന്ദേശങ്ങൾ ഒരിടത്തു നിന്ന് മറ്റൊരിടത്ത് എത്തിച്ചിരുന്നത്. ആദ്യകാലങ്ങളിൽ സർക്കാർ രേഖകൾ മാത്രമായിരുന്നു അഞ്ചലിലൂടെ എത്തിച്ചിരുന്നത്. കൊല്ലവർഷം 1024 വരെ അഞ്ചൽ സർവ്വീസ് സർക്കാർ ആവശ്യത്തിനു മാത്രമേ തരപ്പെടുത്തിയിരുന്നുള്ളൂ.ഭാരതത്തിൽ പൊതുവായി തപാൽ സംവിധാനം നിലവിൽ വന്നപ്പോൾ അഞ്ചൽ വകുപ്പ് അതിൽ ലയിപ്പിക്കപ്പെടുകയുണ്ടായി.
കത്തുകൾ ഒരു സ്ഥലത്തുനിന്നും മറ്റൊരിടത്തേക്ക് എത്തിച്ചിരുന്നവരാണ് അഞ്ചൽക്കാരൻ അഥവാ അഞ്ചലോട്ടക്കാരൻ.കാക്കി നിക്കറും ഉടുപ്പും തലയിൽ ചുവന്ന കരയുള്ള കാക്കി തൊപ്പിയുമായിരുന്നു അഞ്ചൽക്കാരൻറെ വേഷം. ചിലങ്ക കെട്ടിയ ഒന്നരയടി നീളമുള്ള വടിയിൽ തപാൽ ഉരുപ്പടികൾ ഒരു സ്ഥലത്ത് നിന്നും മറ്റൊരിടത്തേക്ക് ഓടിയാണ് എത്തിച്ചിരുന്നത്. ഇങ്ങനെ ഓടുമ്പോൾ ചിലങ്ക കിലുങ്ങുകയും ആ ശബ്ദം കേട്ട് ആളുകൾ വഴി മാറിക്കൊടുക്കുകയും ചെയ്തിരുന്നു. അഞ്ചൽക്കാരന് അന്ന് സമൂഹത്തിൽ മാന്യമായ സ്ഥാനം കിട്ടീയിരുന്നു....

ദൈവമാണ് എന്റെ ബലം

വിവാഹം കഴിഞ്ഞ് 10 വർഷത്തിനുശേഷം ലഭിക്കുന്ന കുഞ്ഞിനെ അത്ഭുതമെന്നും ദൈവത്തിന്റെ ദാനമെന്നും വിളിക്കാൻ എല്ലാവരും ഇഷ്ടപ്പെടുന്നു. എന്നാൽ ആദ്യ വർഷങ്ങളിൽ ഉണ്ടാകുന്ന കുഞ്ഞ് ദൈവദാനമെന്ന നിലയിൽ പ്രഘോഷിക്കപ്പെടാറില്ല,
പലപ്പോഴും.
കാൻസർ രോഗം വന്നതിനുശേഷം സൗഖ്യപ്പെടുന്നത് ദൈവിക ഇടപെടലായി വാഴ്ത്തുന്ന നാം, രോഗം വരാത്തതിനെയോർത്ത് ഒരിക്കലെങ്കിലും ദൈവത്തിന് നന്ദി പറഞ്ഞിട്ടുണ്ടോ?
സാമ്പത്തികപ്രതിസന്ധി നീണ്ടുനിന്നതിനുശേഷം ഒരു ദൈവിക ഇടപെടലുണ്ടായാൽ നാം സാക്ഷ്യപ്പെടുത്തും. പക്ഷേ സാമ്പത്തിക പ്രതിസന്ധി ഉണ്ടാകാതെ അനുദിനം കാക്കുന്ന ദൈവത്തിന്റെ പരിപാലനതയെ സൗകര്യപൂർവം വിസ്മരിക്കുകയും ചെയ്യും.
നാം നീണ്ട ഒരു യാത്രയിലായിരുന്നുവെന്നിരിക്കട്ടെ. യാത്രയുടെ അവസാന സമയത്ത് കാറിനുമുമ്പിൽ ഒരു മരം പിഴുതുവീഴുന്നു. തലനാരിഴയ്ക്ക് രക്ഷപെടുന്നവർ ദൈവത്തിന്റെ അത്ഭുതപ്രവൃത്തിയെ പ്രഘോഷിക്കും. എന്നാൽ യാത്രയിലുടനീളം വഴിയിൽ മരങ്ങളുണ്ടായിരു
ന്നെന്നുംഅവയൊന്നും കാറിനുമുകളിൽ വീഴാതെ കാത്തത് ദൈവമാണെന്നും പലപ്പോഴും ആരും ഓർമ്മിക്കാറില്ല. നാം ഈ ഭൂമിയിൽ ഒരു നിമിഷം പോലും ആയിരിക്കുന്നത് ദൈവത്തിന്റെ കരുണ ഒന്ന് മാത്രം എന്ന് മനസ്സിലാക്കുക.
നമുക്കാവശ്യമുള്ള വായു സൗജന്യമായി നൽകുന്നു. സൗരയൂഥങ്ങളെയും സകല ചരാചരങ്ങളെയും മനുഷ്യന് ജീവിക്കുവാൻ അനുകൂലമായ വിധത്തിൽ ക്രമീകരിക്കുന്നു.

അനുനിമിഷവും നമ്മെ പരിപാലിച്ച് നൻമകൾ നൽകുന്ന ദൈവത്തിന് നന്ദി അർപ്പിച്ച് ജീവിക്കാം.
.

(പ്രസംഗത്തിൽ നിന്നും കെട്ടെത്)

ബിൽ ഗേട്ട്‌സിനേക്കാൾ വലിയ ധനികനായ ഒരു ന്യൂസ് പേപ്പർ ബോയ്...(Inspirational Story)

Bill Gates

ഒരിക്കൽ ബിൽ ഗേറ്റ്സിനോട് സംസാരത്തിനിടയിൽ ഒരാൾ പറഞ്ഞു.
ലോകത്ത് നിങ്ങളേക്കാൽ വലിയ പണക്കാരനില്ല ഇത് കേട്ട ബിൽ ഗേറ്റ്സ്
തന്റെയൊരു അനുഭവം വിവരിക്കാൻ തുടങ്ങി
കുറച്ച് വർഷങ്ങൾക്ക് മുമ്പ് എന്നെ ജോലിയിൽ നിന്ന് പിരിച്ച് വിട്ട സമയം
ന്യൂയോർക്ക് വിമാനതാവളത്തിൽ വെച്ച് ഒരു ന്യൂസ് പേപ്പർ ബോയിയെ കണ്ടു.
ഹെഡ് ലൈൻ കണ്ടപ്പോൾ ഒരാഗ്രഹം
ഒരു ന്യൂസ് പേപ്പർ വാങ്ങാം എന്ന് കരുതി
അവനെ വിളിച്ചു
പക്ഷേ എന്റെ കൈയ്യിൽ ചില്ലറ തുട്ടുകൾ ഇല്ല. അത് കാരണം വേണ്ടാ എന്ന് വെച്ചു നടന്നു.
എന്നാൽ ആ കറുത്ത വർഗക്കാരനായ കുട്ടി എന്നെ വിളിച്ചിട്ട് ഒരു പത്രം എന്റെ നേരേ നീട്ടി
എന്റെ കൈയ്യിൽ ചില്ലറയില്ല എന്ന് പറഞ്ഞപ്പോൾ സാരമില്ല ഇത് ഫ്രീയായി എടുത്തോളൂ എന്ന് പറഞ്ഞ് എനിക്ക് തന്നു.
മൂന്ന് മാസങ്ങൾക്ക് ശേഷം വീണ്ടും അതേ വിമാന താവളത്തിൽ ഞാൻ ചെന്നു.
വീണ്ടും പഴയത് പോലെ ഹെഡ് ലൈൻ കണ്ട് പത്രം വാങ്ങാൻ ആഗ്രഹം തോന്നി കൈയ്യിൽ ചില്ലറയില്ല.
അതേ പയ്യൻ വീണ്ടും ഫ്രീയായി പത്രം വെച്ച് നീട്ടി. എനിക്ക് വാങ്ങാൻ മടി തോന്നി.
എന്റെ ലാഭത്തിൽ നിന്നുള്ളതാണ് സാരമില്ല എന്ന് പറഞ്ഞ് അവൻ നിർബന്ധിച്ച് തന്നു. 19 വർഷങ്ങൾക്ക് ശേഷം ഞാൻ പണക്കാരനായി
അതിന് ശേഷം ഒരു ദിവസം ആ പയ്യനെ കാണണം എന്ന ആഗ്രഹം എന്നിൽ ഉടലെടുത്തു.
ഒന്നര മാസത്തെ അന്വേഷണത്തിനൊടുവിൽ അവനെ കണ്ടു പിടിച്ചു. അവനോട് ഞാൻ ചോദിച്ചു എന്നെ മനസ്സിലായോ ...?
മനസ്സിലായി സാർ നിങ്ങൾ പ്രശസ്തനായ ബിൽ ഗേറ്റ്സ് അല്ലേ
വർഷങ്ങൾക്ക് മുമ്പ് നീ എനിക്ക് രണ്ട് പ്രാവശ്യം ന്യൂസ് പേപ്പർ ഫ്രീയായി തന്നിട്ടുള്ളത് നിനക്ക് ഓർമ്മയുണ്ടോ
പകരം നിനക്ക് എന്തെങ്കിലും തരാൻ ഞാൻ ആഗ്രഹിക്കുന്നു. നിനക്ക് എന്ത് വേണമെങ്കിലും ആവശ്യപ്പെടാം.
പയ്യൻ: നിങ്ങളെ കൊണ്ട് അതിന് പകരം തരാൻ കഴിയില്ല സാർ.....
ഞാൻ: ങ്ങേ അതെന്താ കാരണം.....??
പയ്യൻ: ഞാൻ പാവപ്പെട്ടവനായി ഇരുന്ന സമയത്ത് നിങ്ങൾക്ക് ഞാൻ തന്നു.
എന്നാൽ നിങ്ങൾ പണക്കാരൻ ആയതിന് ശേഷം എനിക്ക് തരാൻ നിങ്ങൾ വന്നു.
അപ്പോൾ പാവപ്പെട്ടവനായ അവസ്ഥയിൽ ഞാൻ തന്നതും
എല്ലാം ഉണ്ടായതിന് ശേഷം താങ്കൾ തരുന്നതും പകരത്തിന് പകരമാകില്ല സാർ ...? ഇത്രയും പറഞ്ഞ് നിർത്തിയിട്ട് ബിൽ ഗേറ്റ്സ്
താനാണ് ലോകത്തിലെ ഏറ്റവും വലിയ പണക്കാരൻ എന്ന് പറഞ്ഞ ആളോട് പറഞ്ഞു.
ഇനി പറയൂ
എന്നേക്കാൽ വലിയ പണക്കാരൻ ആ കറുത്ത പയ്യനല്ലേ...??
ദാനം നൽകാൻ നീ പണക്കാരനാകണമെന്നോ
പണക്കാരനാക്കുന്നത് വരെ കാത്തിരിക്കണമെന്നോ ഇല്ല.....
 സഹായം ചെയ്യണം എന്ന ഗുണത്തിന് സമയപരിതിയില്ല പണക്കാരനെന്നോ പാവപ്പെട്ടവനെന്നോ വേർതിരിവും ഇല്ല.

ഇൗ പോസ്റ്റ് ഇഷ്ടപ്പെട്ടാൽ Follow ബട്ടൺ ക്ലിക്ക് ചെയ്യുക...🙏 നന്ദി

ഭൂമിയിലെ സ്വർഗത്തിൽ പിഴുതെറിയപ്പെട്ട സഹോദരി,നിനക്ക് പ്രണാമം...🙏

ജമ്മുവിലെ കഠ്‍വ ജില്ലയിൽ 8 വയസുള്ള ഒരു മനുഷ്യ കുഞ്ഞിനെ കുറെ പിശാചുക്കൾ പിച്ചി ചീന്തി കൊന്നു.  കുട്ടിയെ തട്ടിക്കൊണ്ടുപോയി കൂട്ടമാന ഭംഗത്തിനിരയാക്കിയശേഷം തലയ്ക്കടിച്ചു കൊലപ്പെടുത്തിയ കേസിലെ കുറ്റപത്രം വെളിപ്പെടുത്തുന്നത് കൊടുംക്രൂരത. 2012 ഡിസംബറിലെ ഡൽഹി നിർഭയ മാനഭംഗ–കൊലപാതകക്കേസിനുശേഷം രാജ്യത്തെ നടുക്കിയ സംഭവമായി ഇതു മാറിയതോടെ ദേശവ്യാപകമായി പ്രതിഷേധം ഉയർന്നു..

.


ആ കുട്ടി ബലാല്സംഗത്തിന് ഇരയായത് ഒരു ക്ഷേത്രത്തിനുള്ളിലാണ്. ഇന്ത്യയിലെ ഭൂരിപക്ഷം വരുന്ന ഹിന്ദുക്കള് പുണ്യസ്ഥലമായ കണക്കാക്കുന്ന ഇടം.
ചെരുപ്പിട്ട് ഒരു സാധാരണ മനുഷ്യന് കയറിയാലോ, ഒരു മൃഗം ഉള്ളില് കയറിയാലോ
എന്തിനേറെ ആര്ത്തവമുള്ള ഒരു സ്ത്രീ കയറിയാല് പോലും അശുദ്ധമാകുമെന്ന് പറയപ്പെടുന്ന ഒരിടം.
അവിടെയാണ് എട്ടു വയസുകാരിയായ ഒരു പെണ്കുട്ടി തനിക്ക് എന്താണ് സംഭവിക്കുന്നത് എന്നു പോലും അറിയാതെ അസഹനിയമായ വേദനയും പേറി എട്ടു ദിവസം നരകയാതന അനുഭവിച്ചത്.
ആസിഫയ്ക്കു നീതി ഉറപ്പാക്കണം. 8 വയസ്സുകാരിയെ ക്ഷേത്രത്തിൽ തടങ്കലിലാക്കി, മയക്കു മരുന്നു നൽകി, ദിവസങ്ങളോളം ബലാൽസംഗം ചെയ്ത, ക്രൂരമായി ദേഹോപദ്രവം ചെയ്ത, ശേഷം തലയ്ക്കടിച്ചു കൊന്ന കശ്മലന്മാരെ, മനുഷ്യത്വമില്ലാത്ത ശവം തീനികളെ നിയമത്തിനു മുന്നിൽ കൊണ്ടു വന്നു കർശനമായ ശിക്ഷ ഉറപ്പാക്കണം. നിർഭയ കേസിൽ മെഴുകുതിരി കത്തിച്ചവരെയൊന്നും ഈ കേസിൽ കാണുന്നില്ല കാരണം, വർഗീയ ചേരിതിരിവു തന്നെ ..

.ആദ്യമായല്ല കുഞ്ഞുങ്ങൾ ലൈംഗിക പീഢനമേൽക്കുന്നതും കൊല്ലപ്പെടുന്നതും, പിഞ്ചു കുട്ടികൾ വരെ കൊല്ലപ്പെട്ടിട്ടുണ്ട്. പക്ഷേ അതൊന്നും കൊല്ലപ്പെടാനും നിസ്സാരവൽക്കരിക്കുന്നതിനുമുള്ള ന്യായീകരണമായിക്കൂടാ. ആദ്യമായെന്നപ്പോൽ പ്രതികരിക്കണം. അവസാനത്തേതാവണം ഇത്തരം ഹീനപ്രവർത്തികൾ🙏🙏

ആ അക്രമികളെ  മൃഗങ്ങൾ എന്ന് വിളിക്കുന്നില്ല കാരണം മൃഗങ്ങൾ പോലും ഇങ്ങനെ ഒരു പൈശാചിക കൃത്യം ചെയ്യില്ലാ! അവർ ഏതു മതത്തിൽ പെട്ടവർ ആയാലും വരും തലമുറ ഓർത്തിരിക്കാൻ ഏറ്റവും വലിയ ശിക്ഷ അവർക്ക് വാങ്ങി കൊടുക്കണം, നടപ്പിലാക്കണം. അല്ലാതെ കുറച്ചു നാൾ ദൈവത്തിനേയും, സമൂഹത്തിനേയും, മതങ്ങളെയും, സർക്കാരിനെയും കുറ്റം പറഞ്ഞു ഒടുവിൽ ആരെങ്കിലും അടുത്ത 'ഇര' ആകുന്നത് വരെ ഇതൊന്നും നമ്മൾ മറന്നു പോകരുത്! മതത്തിന്റെ കണ്ണടയിട്ട് ഈ സംഭവത്തിന്റെ ന്യായീകരിക്കുന്നവരോട് ഒരു ചോദ്യം - നാളെ നിങ്ങളുടെ മകൾക്ക് അസിഫയുടെ ഗതി വന്നാൽ -"ഹോ എൻ്റെ മകളെ പിച്ചി ചീന്തി കൊന്നവൻ എൻ്റെ മതക്കാരൻ തന്നെ അത്രയും ആശ്വാസം! " -എന്നായിരിക്കുമോ നിങ്ങൾ പ്രതികരിക്കുക ? ഈ സംഭവത്തിനു പിന്നിൽ പാകിസ്ഥാൻ ആണ് എന്ന പറയുന്ന നാണംകെട്ട ആളുകൾ ഇന്ത്യയിൽ ഉണ്ട് എന്നുള്ളത് ആണ് ഏറ്റവും അധോഗതി.
.

.
.
.
ഏഴു ലോക
സഞ്ചാരങ്ങൾക്കപ്പുറം
നീരുവറ്റി നീ
വലിച്ചെറിയപെടുമ്പോൾ
മിഴി തുറന്നില്ല
കണ്ണില്ലാത്ത കൽപ്രതിമകൾ...
സഹോദരീ...
നീ ഹിമതാഴ്വാരങ്ങളിൽ
ഉരുകിയൊലിച്ച
മഞ്ഞു തുള്ളിയുടെ നോവ്....
ഭൂമിയിലെ സ്വർഗത്തിൽ
പിഴുതെറിയപ്പെട്ട സൗരഭ്യമേ,
നിനക്ക് പ്രണാമം...
.
.
.

#SaveOurChildrens

വിരൽത്തുമ്പിലെ വിസ്മയത്തിന്റെ കഥ...!!

എത്ര ആസൂത്രിതമായി ഒരു കുറ്റകൃത്യം ചെയ്താലും ആരാലും ശ്രദ്ധിക്കപ്പെടാതെ ഒരു തെളിവ് അവശേഷിപ്പിക്കപ്പെടും. ‘ദൈവത്തിന്റെ വിരലടയാളം’ എന്ന് വിളിക്കാവുന്ന ഒരു തെളിവ്. എന്തുകൊണ്ടാണ് അങ്ങനെ വിളിക്കുന്നത്? അതു വിരലടയാളത്തെ പോലെ മായ്ക്കാനാവാത്ത ഒന്നായത് കൊണ്ട്. അതെ. വിരലടയാളം! പ്രകൃതി ഓരോ മനുഷ്യന്റെയും വിരല്തുമ്പില് ഒളിപ്പിച്ചുവച്ചിരിക്കുന്ന അത്ഭുതം. ഒരാളുടെ വിരലടയാളം ഇതുവരെ ഈ ലോകത്ത് ജീവിച്ചിരുന്നിട്ടുള്ളവര്ക്കുമില്ല... ജീവിക്കുന്നവര്ക്കുമില്ല... വരുവാനുള്ള തലമുറയ്ക്കുമില്ല... അത് അയാള്ക്കുമാത്രം സ്വന്തം. ജനനം മുതൽ മരണം വരെ യാതൊരു മാറ്റവുമില്ലാതെ നിലനിൽക്കുന്ന വിസ്മയം!
എങ്ങനെയാണ് വിരലടയാളം രൂപമെടുക്കുന്നത്? എന്തുകൊണ്ടാണ് അവ ഓരോത്തരിലും വ്യത്യസ്തമായിരി ക്കുന്നത്? വ്യക്തമായ ഒരു ഉത്തരം നല്കാന് ശാസ്ത്രത്തിനു ഇന്നും കഴിഞ്ഞിട്ടില്ല. എങ്കിലും ഒരു ഏകദേശധാരണയിലെത്താന് ശാസ്ത്രത്തിനായിട്ടുണ്ട്. വിരലടയാളങ്ങളുടെ ഉത്ഭവം അന്തരികചര്മത്തിലെ ‘പാപ്പില്ലറിബള്ബു’കളില് നിന്നാണ്. ഒരു കാര്യം ഓര്ക്കേണ്ടത് അമ്മയുടെ വയറ്റില് നമ്മള് ഉരുവാകുമ്പോള് ആദ്യമേതന്നെ കൈവിരലോ കൈപ്പത്തിയോ രൂപപ്പെടുന്നില്ല. കൈപ്പത്തിയുടെ സ്ഥാനത്ത് ബലൂണ് പോലെ വീര്ത്തു നില്ക്കുന്ന മാംസഭാഗമാണ് ആദ്യം കാണപ്പെടുക. പിന്നെ കുഞ്ഞിനു ഒരു മൂന്ന് മാസം പ്രായമെത്തുന്നതൊടെ ഈ മാംസഭാഗം ഉള്ളിലേക്ക് ചുരുങ്ങി വിരലുകൾ രൂപം കൊള്ളുന്നു. ഈ ചൊട്ടി ഉള്വലിയലിന്റെ ഭാഗമായി പുറത്തെ തൊലിയില് പാടുകള് വീഴുന്നു. ഈ എണ്ണമറ്റ ചുളിവുകളാണ് ക്രമേണ വിരലടയാളമായി തീരുന്നത്. മരിച്ചു കഴിഞ്ഞു തൊലി നശിക്കും വരെ ആ അടയാളം മായുകയുമില്ല. അവയ്ക്കു എത്ര തേയ്മാനം വന്നാലും ശരീരം അതു നേരേയാക്കും.
ആദ്യനൂറ്റാണ്ടുകളില് ചൈനയിലെ ചക്രവര്ത്തിമാര് രേഖകളില് കയ്യൊപ്പ് പതിപ്പിച്ചതായി കണ്ടെത്തിയിട്ടുണ്ട്. എന്നാലും ആധുനികചരിത്രത്തില് ആ നേട്ടം ബ്രിട്ടീഷ് ഭരണകാലത്തെ ഇന്ത്യയിലെ ഒരു സബ്കളക്ടര്ക്കാണ്. വില്യം ഹേര്ഷല്. ബ്രിട്ടീഷുകാരനായ പുള്ളിയാണ് ഈ ആശയം കണ്ടുപിടിച്ചതെങ്കിലും ഒരുകണക്കിന്പറഞ്ഞാല് ഈ ക്രെഡിറ്റും നമ്മള് ഇന്ത്യാകാര്ക്കാണ് ഉടായിപ്പില് വേന്ദ്രന്മരാണല്ലോ നമ്മള്! നമ്മുടെ പൂര്വികരും അതുപോലെതന്നെയായിരുന്നു (just kidding) . 1858ല് അദ്ദേഹത്തിന്റെ പ്രധാനജോലികളിലൊന്ന് പട്ടാളസേവനത്തില്നിന്ന് പിരിഞ്ഞ ശിപായിമാര്ക്ക് എല്ലാമാസവും പെന്ഷന് നല്കുക എന്നതായിരുന്നു. ഒരുദിവസം പെന്ഷന്കണക്ക് മുമ്പിൽ വെച്ച്  അദ്ദേഹം അമ്പരന്നുപോയി. 65ഓളം ശിപായിമാര്ക്ക് പതിവായി ഓഫീസില്നിന്നും പെന്ഷന് കൊടുത്തുപോരുന്നു. എല്ലാം അറുപതും എഴുപതും വയസുകഴിഞ്ഞവര്. എന്നാൽ കഴിഞ്ഞ പത്തുവര്ഷമായി അവരില് ഒരാള്പോലും മരിച്ചിട്ടില്ല! വൈകാതെ രഹസ്യം പുറത്തുവന്നു. പകുതിയിലധികം പേരും മരിച്ചുപോയവരാണ്. എന്നാല് വര്ഷങ്ങാളായി അവര്ക്കുപകരം ആരൊക്കെയോ എല്ലാമാസവും കൃത്യമായിവന്നു പെന്ഷന് വാങ്ങിപോവുന്നു. എങ്ങനെ ഈ തട്ടിപ്പുവീരന്മാരെ പിടിക്കും? വരുന്നവക്കെല്ലാം അതേ പ്രായവും മട്ടും മീശയും തലപ്പാവുമൊക്കെ. പിന്നെയെന്തു ചെയ്യും? ചിന്തയിലാണ്ടു ഓഫീസിലെ കണ്ണാടിച്ചില്ലുപാകിയ ജനലിലൂടെ അസ്തമയസൂര്യനെ നോക്കി അദ്ദേഹമങ്ങനെയിരുന്നു. അങ്ങനെയിരിക്കവേ സൂര്യപ്രകാശത്തില് ഹെര്ഷല് വിസ്മയകരമായ ഒരു കാഴ്ചകണ്ടു. കണ്ണാടിയില് നിറയെ പെന്ഷന് വാങ്ങാന് വന്നവരുടെ അഴുക്കുപുരണ്ട വിരല്പാടുകള്!
കൂടുതല് ശ്രദ്ധയോടെ നോക്കിയപ്പോള് അതിനകത്ത് എന്തൊക്കയോ വരകളും ചുഴികളും. കൂടുതല് അടുത്തെത്തി നോക്കിയപ്പോള് അദ്ദേഹത്തിനു ഒരുകാര്യം ബോധ്യമായി. ഓരോത്തരുടെയും അടയാളം ഒന്നിന്നൊന്നു വ്യത്യസ്ഥമാണ്. താന് മുന്പ് കണ്ടുമുട്ടിയ ചൈനീസ് പണമിടപാടുകാരുടെ ഒരു ചടങ്ങ് അദ്ദേഹത്തിനു ഓർമ്മ വന്നു. കടം കൊടുക്കുമ്പോള് ഇടപാടുകാരനെ കൊണ്ട് ഉടമ്പടിപത്രത്തി
ല് വെറുതെ ഒരു ഉറപ്പിനു വിരലു പതിപ്പിക്കുന്നത് ഓര്ത്തു. വിരല്പ്പാടുകള്ക്ക് എന്തെങ്കിലും പ്രത്യേകതയുണ്ടോ? എങ്കില് അതിലൂടെ വിരലുകളുടെ ഉടമസ്ഥനെ തിരിച്ചറിയാന് കഴിഞ്ഞാലോ?!
ഹേര്ഷലിന് ആവേശമായി. ഒരു തടിച്ച പുസ്തകത്തില് തന്റെ ഓഫീസിലുള്ളവരുടെയും പെന്ഷന്കാരുടേയും മുഴുവന് വിരലടയാളങ്ങളെടുത്തു പഠനം ആരംഭിച്ചു. കൂട്ടുകാരുടെയും അയല്കാരുടെയും കണ്ടുമുട്ടിയവരുടെയുമൊക്കെ വിരലടയാളങ്ങള് അദ്ദേഹം ശേഖരിച്ചു. അങ്ങനെ ഒരു മാസത്തിനകം അയ്യായിരത്തിലധികം അടയാളങ്ങള് ഹേര്ഷല് തന്റെ പുസ്തകത്തില് പതിച്ചുവെച്ചു. പിന്നെ മുഴുവന് സമയവും അദ്ദേഹം പഠനത്തിനു നീക്കിവെച്ചു. അങ്ങനെ വിരലടയാളത്തിന്റെ അത്ഭുതരഹസ്യങ്ങള് അദ്ദേഹം മനസിലാക്കി. രണ്ടു പേരുടെ ഒരുപോലെയല്ലന്നു മാത്രമല്ല. ഒരാളുടെ പത്തു വിരലിലെ അടയാളങ്ങള് പോലും വെവ്വേറെയാണ്. അതോടെ ഹേര്ഷല് ഓഫീസില് അദ്ഭുതങ്ങള് കാട്ടിത്തുടങ്ങി. താനില്ലാത്തപ്പോള് ആരൊക്കെയാണ് മുറിയില് വന്നു ഫയലുകള് എടുത്തതെന്ന് ഹേര്ഷല് കിറുകൃത്യമായി പ്രവചിച്ചു. മേശപ്പുറത്തു പതുങ്ങികിടന്ന വിരല്പാടിലൂടെയാണ് സബ്കളക്ടര് ഈ അത്ഭുതം കാട്ടുന്നതെന്ന് അറിയാതെ സഹപ്രവര്ത്തകര്‍ അമ്പരന്നു.
അടുത്ത പെന്ഷന് ദിവസം വന്നു. പണം കൊടുക്കുന്നതിനു മുന്പ് ഹേര്ഷല് ഓരോത്തരുടെയും വിരപ്പാട് പഴയതുമായി ഒത്തുനോക്കി. ഒട്ടുമുക്കാല് പേരും വേഷംമാറി വന്നവരായിരുന്നു. ഓരോ തവണയും പണം വാങ്ങാന് സൌകര്യമുള്ള ആരെങ്കിലുമൊക്കെയാണ് വന്നിരുന്നത്. കൂടാതെ ഒരാള് തന്നെ പലപേരിലും വന്നു വാങ്ങിയിരുന്നു. ഹേര്ഷല് വിരല്പാടുകളുടെ സഹായത്താല് പെൻഷൻ പറ്റുന്നവരുടെ എണ്ണം 67ല് നിന്നും 20 ആയി കുറച്ചു.
ആറുമാസക്കാലമായി താൻ പഠനം നടത്തി തെളിയിച്ച വിരലടയാളം എന്ന അത്ഭുതപ്രതിഭാസത്തെ വിശദീകരിച്ചുകൊണ്ട് ഹേര്ഷല് ഒരു പ്രബന്ധം തയ്യാറാക്കി. വ്യക്തികളെ തിരിച്ചറിയാന് ഏറ്റവും നല്ല ശാസ്ത്രീയമാര്ഗ്ഗം വിരലടയാളമാണെന്ന് അതില് പറഞ്ഞിരുന്നു. അതിനാല് ജയിലില് കിടക്കുന്ന മുഴുവന് കുറ്റവാളികളുടെയും വിരലടയാളം എടുത്തു സൂക്ഷിക്കണമെന്ന് ഹേര്ഷല് എഴുതിവെച്ചു. ആ കുറ്റവാളികള് വീണ്ടും കുറ്റം ചെയ്താല് പെട്ടെന്ന് തിരിച്ചറിയാമെല്ലോ. ഇത്തരത്തിലുള്ള ഒരു വന്പദ്ധതി തയ്യാറാക്കി ഹേര്ഷല് തന്റെ പ്രബന്ധം വൈസ്രോയിക്ക് അയച്ചുകൊടുത്തു. എന്നാല് അതുവായിച്ച വൈസ്രോയി ഒന്നും പിടികിട്ടിയില്ല. ഹേര്ഷലിന് എന്തോ മനസികത്തകരാണെന്ന് അദ്ദേഹം കരുതി. ഇങ്ങനെയുള്ള ഒരാളെ ജോലിക്ക് വച്ചതുതന്നെ അബദ്ധമാണെന്ന് ചിന്തിച്ച വൈസ്രോയി ഉടനെ ഹേര്ഷലിനെ ലണ്ടനിലേക്ക് മടക്കിയയച്ചു. വിരലടയാളത്തെപ്പറ്റി ആരോടും മിണ്ടിപോവരുതെന്നു താക്കീതും നല്കി. ആകെതകര്ന്നു പോയ ഹേര്ഷല് താന് കണ്ടെത്തിയ വിസ്മയത്തെപ്പറ്റി ആരോടും സംസാരിക്കാനാവാതെ ലണ്ടനിലെ വീട്ടിന്നുള്ളില് ഒതുങ്ങികൂടി. എന്നാല് ഒരുതരത്തില് വിരലടയാളത്തിനു മറ്റൊരു അവകാശി കൂടിയുണ്ട്. ജപ്പാനില് ഒരു ആശുപത്രിയില് ജോലി നോക്കിയിരുന്ന ഒരു സ്കോട്ട്ലണ്ടുകാരന് ഡോക്ടര് ഹെന്റി ഫാള്ഡ്. ഒരിക്കല് ചികിത്സക്കിടയില് ഒരു മണ്പാത്രം നിര്മിക്കുന്ന കോളനി സന്ദര്ശിക്കാനിടയായ ഫാള്ഡിന്റെ ശ്രദ്ധ ഉണക്കാന്വച്ചിരുന്ന മണ്പാത്രങ്ങളില് പതിഞ്ഞു. പാത്രങ്ങളില് നിറയെ അതുണ്ടാക്കിയവരുടെ വിരല്പാടുകള്! പാത്രമെടുത്ത് പരിശോധിച്ച ഫാള്ഡ് അതിലെ സൂക്ഷ്മരേഖകളും കണ്ടുപിടിച്ചു. അതില് അദ്ദേഹത്തിനു വലിയ കൌതുകം തോന്നി. വീട്ടിലെത്തിയശേഷമുള്ള ഒരു മാസത്തെ വിശദമായ പഠനത്തിനകം വിരലടയാളത്തിന്റെ പ്രത്യേകതകളും അതില് നിന്ന് വ്യക്തികളെ തിരിച്ചറിയാമെന്നും അദ്ദേഹം കണ്ടെത്തി. അങ്ങനെയിരിക്കെ ഒരുദിവസം ഫാള്ഡിന്റെ വീട്ടില്നിന്നു വെള്ളിപാത്രങ്ങിലൊന്നു കളവുപോയി. നീണ്ട തിരച്ചിലിനൊടുവില് പാത്രം തൊഴുത്തില് നിന്നും കണ്ടുകിട്ടി. പക്ഷേ കള്ളനെ എങ്ങനെ പിടികൂടും?! അപ്പോഴാണ് ഫാള്ഡ് വെള്ളിപാത്രത്തിന്റെ അരികിലായി കരിപുരണ്ട ഒരു വിരല്പ്പാട് കണ്ടത്. വീട്ടിലെ പരിചാരകരുടെ മുഴുവന് വിരല്പാടും ശേഖരിച്ചു പരിശോധിച്ച ഫാള്ഡ് ഒരാളുടെ വിരല്പ്പാട് പാത്രതിലുള്ളത് തന്നെയെന്നു കണ്ടെത്തി. ഹേർഷലിനുണ്ടായ ദുരന്തം ഫാള്ഡിനു ഉണ്ടായില്ല. ഫാള്ഡിന്റെ വിരലടയാളപഠനം പിന്നീട് ജപ്പാനിലെ പോലീസിന് പലവിധത്തില് സഹായകരമായി. കുറ്റവാളികളെന്നു സംശയിക്കുന്നവരുടെ വിരലടയാളം നോക്കി യഥാര്ത്ഥപ്രതികളെ ഫാള്ഡ് പോലീസിന് കണ്ടെത്തികൊടുത്തു.
ഈ വിഷയത്തില് കൂടുതല് ഗവേഷണത്തിന് ഫാള്ഡ് ‘പരിണാമസിദ്ധാന്തത്തിന്റെ ഉപജ്ഞാതാ’വിനു തന്റെ ഗവേഷണഫലങ്ങള് വച്ച് കത്തെഴുത്തി. എന്നാല് പ്രായധിക്യം മൂലം ഡാര്വിന് കൂടുതല് ഗവേഷണത്തിനു മറ്റൊരാളെ ചുമതലപ്പെടുത്തി. പിന്നീട് ഗവേഷണം നടത്തിയത് പ്രശസ്തശാസ്ത്രജ്ഞന് ഫ്രാന്സിസ് ഗാള്ട്ടനായിരുന്നു. സാക്ഷാല് ചാള്സ് ഡാര്വിന്റെ സഹോദരന്...!!!

ആണുങ്ങളെപറ്റി ഒരു ഭാര്യ എഴുതിയത്....

ആണുങ്ങൾ എന്നാൽ.....
ദൈവത്തിന്റെ അവതാരം ആണ്.
സഹോദരികൾക്കു വേണ്ടി സ്വന്തം ആഗ്രഹം വേണ്ടെന്നു വെച്ചവൻ..
മാതാ പിതാക്കളുടെ സന്തോഷത്തിന് വേണ്ടി തന്റെ സ്വപ്നങ്ങൾ വേണ്ടെന്നു വെച്ചവൻ...
പ്രണയിനിക്കു സമ്മാനം കൊടുക്കാൻ പോക്കറ്റ് കാലിയാക്കുന്നവൻ..
ഭാര്യ കുട്ടികൾ എന്നിവർക്കായി യെവ്വനം പണയം വെച്ച് അഹോരാത്രം പണിയെടുക്കാൻ വിധിക്കപെട്ടവൻ..
ലോൺ എടുത്തു വീട് വെച്ച് അത് അടക്കാൻ കഴിയാതെ തെക്കു വടക്കു നടക്കുന്നവൻ...
ഈ അട്ടഹാസങ്ങൾക്ക് ഇടയിൽ അമ്മായിയമ്മ മരുമകൾ പോരാട്ടം സഹിക്കുന്നവൻ.. മറ്റുള്ളവരുടെ സന്തോഷത്തിനായി ജീവിതം ഉഴിഞ്ഞു വെച്ചവൻ..
അവൻ കറങ്ങാൻ പോയാൽ ഊരുതെണ്ടി...
വീട്ടിൽ ഇരുന്നാൽ മടിയൻ..
കുട്ടികളെ വഴക്ക് പറഞ്ഞാൽ ദേഷ്യക്കാരൻ... ഒന്നും പറയാതിരുന്നാൽ ഉത്തരവാദിത്തം ഇല്ലാത്തവൻ...
ഭാര്യയെ ജോലിക്ക് വിടാതിരുന്നാൽ സംശയരോഗി...
ജോലിക്ക് അയച്ചാൽ ഭാര്യയുടെ ശമ്പളം പറ്റുന്നവൻ..
അമ്മയുടെ വാക്ക് കേട്ടാൽ അമ്മയുടെ മോൻ... ഭാര്യയുടെ വാക്ക് കേട്ടാൽ പെൺകോന്തൻ..
ആകെ മൊത്തം ആണുങ്ങളുടെ ലോകം വിയർപ്പിന്റെ യും ത്യാഗത്തിന്റെയും കഥകൾ മാത്രം...
ആണുങ്ങൾ കരയാൻ അറിയാത്തവർ അല്ല.. കണ്ണീർ മറച്ചുപിടിക്കുന്നവർ... സ്നേഹം ഇല്ലാത്തവരല്ല, അത് മനസ്സിൽ വയ്ക്കുന്നവർ...
ജോലി അന്വേഷിക്കുന്നവരല്ല, തന്റെ കഴിവിന്റെ അംഗീകാരം തേടുന്നവൻ..
പണം തേടുന്നവനല്ല, തന്റെ കുടുംബത്തിനായി ഓടുന്നവൻ..
ചിരിക്കാൻ അറിയാത്തവനല്ല, തന്നെ സ്നേഹിക്കുന്നവരുടെ മുൻപിൽ കുട്ടിയായി മാറുന്നവൻ...
പ്രണയം തേടുന്നവനല്ല, ഒരു പെൺകുട്ടിക്കായി തന്റെ ജീവിതം ഹോമിക്കുന്നവൻ..
കാണ്ടാമൃഗം അല്ല., അഭിനയിക്കാൻ അറിയാത്തതിനാൽ ദേഷ്യം പുറത്തു വരുന്നതാണ്..

കടപ്പാട് : സിജിൻ

Download OYM official App
•Open Your Mind Blog

•FM Radio

•Twitter

•YouTube channel Vinu's GKnow

   👉 Click here to Download OYM app 👈

എന്റെ മാതൃഭാഷ ..(ഇന്ന് വായിച്ച ഒരു നല്ല തമാശക്കഥ. )

ഒരിക്കൽ അക്ബർ ചക്രവർത്തിയുടെ രാജ്യ സദസ്സിൽ ഒരു ബഹുഭാഷാ പണ്ഡിതൻ വന്നു. സദസ്സിലുണ്ടായിരുന്ന വിദ്വാൻമാരെ നോക്കി അദ്ദേഹം ഒരു വെല്ലുവിളി നടത്തി.

"എൻറെ മാതൃഭാഷ കണ്ടുപിടിക്കാൻ സാധിക്കുന്ന ആരെങ്കിലും ഈ സദസ്സിലുണ്ടോ?"

സദസ്സിലെ പലരും പല ഭാഷകളിലും സംസാരിച്ച് നോക്കി, പക്ഷേ എല്ലാ ഭാഷകളിലും ഒരേ നൈപുണ്യം പുലർത്തിയിരുന്ന പണ്ഡിതൻറെ മാതൃഭാഷ കണ്ടുപിടിക്കാൻ അവർക്കാർക്കും കഴിഞ്ഞില്ല.

ബീർബൽ മാത്രം ഒന്നും മിണ്ടാതെ നിന്നു.

രാജ്യസദസ്സിലെ വിദ്വാൻമാർക്ക് പ്രശ്നം പരിഹരിക്കാൻ ഒരു ദിവസത്തെ സമയം കൂടി അനുവദിച്ച് കൊടുത്തുകൊണ്ട് അന്ന് രാത്രി ബഹുഭാഷാ പണ്ഡിതൻ കൊട്ടാരത്തിൽ തന്നെ തങ്ങി.

രാത്രി കനത്തപ്പോൾ പണ്ഡിതൻ ഗാഢ നിദ്രയിലായി. ബീർബൽ ഒരു വടിയുമായി പതുങ്ങി ചെന്ന് പണ്ഡിതൻറെ കാലിൽ ആഞ്ഞൊരു അടി കൊടുത്തു. വേദനകൊണ്ടു പുളഞ്ഞ പണ്ഡിതൻ ഞെട്ടി എഴുന്നേറ്റ് അലറി വിളിച്ചു

"Ouch!!! Ouch!!! Who the hell is this, you scoundrel, I will kill you"

പണ്ഡിതന് മുഖം കൊടുക്കാതെ ബീർബൽ ഇരുളിൻറെ മറപറ്റി ഓടി രക്ഷപ്പെട്ടു. പിറ്റേന്ന് രാജ്യസദസ്സിൽ എത്തിയ പണ്ഡിതന് മുൻപിൽ ബീർബൽ പറഞ്ഞു "അങ്ങയുടെ മാതൃഭാഷ ഇംഗ്ളീഷ് ആണ് എന്ന് ഞാൻ കണ്ടുപിടിച്ചിരിക്കുന്നു"

ബഹുഭാഷാ പണ്ഡിതൻ പൊട്ടി ചിരിച്ചു കൊണ്ട് പറഞ്ഞു "ബീർബൽ, നിങ്ങൾക്ക് തെറ്റിപ്പോയിരിക്കുന്നു സുഹൃത്തേ. ഞാൻ ശരിക്കും മലയാളിയാണ് എൻറെ മാതൃഭാഷ മലയാളമാണ്"

അത്ഭുതസ്തബ്ദനായ ബീർബൽ ചോദിച്ചു " മഹാനുഭാവാ, വേദനിക്കുമ്പോഴും, അപകടത്തിൽ പെടുമ്പോഴും ഒക്കെ മനുഷ്യർ അറിയാതെ മാതൃഭാഷ പറഞ്ഞുപോകും എന്നാണല്ലോ ഞാൻ പഠിച്ചിരുന്നത്, എന്നിട്ട് അങ്ങേക്ക് വേദനിച്ചപ്പോൾ അവിടുന്ന് ഇംഗ്ലീഷ് ആണല്ലോ പറഞ്ഞത്, അതെങ്ങിനെ?"

പണ്ഡിതൻ പുഞ്ചിരിച്ചു കൊണ്ട് പറഞ്ഞു

"ഞാൻ പഠിച്ചത് മലയാളം പറഞ്ഞാൽ ശിക്ഷയുളള സി ബി എസ് സി സ്കൂളിലാണ്"

_____________________________

Download OYM official App •Open Your Mind Blog
•FM Radio
•Twitter
•YouTube channel Vinu's GKnow

   👉 Click here to Download OYM app 👈

ചതി.....😬😠 ( ഇത് വായിച്ചില്ലെങ്കിൽ നഷ്ടമാണ്)

വനത്തില് നായാട്ടിനു പോയ വേടനെ ഒരു പുലി ഓടിക്കുകയുണ്ടായി,
പ്രാണരക്ഷാര്ത്ഥം അയാള് ഒരു മരത്തില് അള്ളിപ്പിടിച്ചുകയറി രക്ഷപ്പെട്ടു.
പക്ഷേ, താൻ കയറിയ മരത്തിലെ തൊട്ടുമുകളിലെ കൊമ്പിൽ ഒരു കരടിയും അഭയം തേടിയിരുന്നു. ഭയന്നു വിറച്ചു നില്ക്കുന്ന വേടനോടു കരടി പറഞ്ഞു:
”സ്നേഹിതാ കേറി എന്നരികില് ഇരുന്നോളൂ.ഞാന് ഉപദ്രവിക്കില്ല.
”വേടന് പതുക്കെ കരടിക്കരികില് ഇരുന്നു.
ഉറക്കം തൂക്കുന്ന വേടനോട് , തന്റെ മടിയില് തല വച്ചുറങ്ങിക്കോളൂ
എന്ന് പോലും ആ സാദു മൃഗം പറഞ്ഞു:
താഴെയിരുന്ന പുലി എല്ലാം ശ്രദ്ധിക്കുന്നുണ്ട്. അവന് കരടി യോടു വിളിച്ചു പറഞ്ഞു.
”നിന്റേയും എന്റേയും പൊതു ശത്രുവായ വേടനെ എനിക്കു തള്ളിയിട്ടുതരൂ. ഞാന് വിശപ്പടക്കി പ്പൊയ്ക്കോളാം.
നിന്നെ ഞാന് ഉപദ്രവിക്കില്ല.
നാം ഒരേ വര്ഗ്ഗക്കാരല്ലേ?”
കരടി പറഞ്ഞു: - ”ഞാന് പറഞ്ഞിട്ടാണ്, എന്നെ വിശ്വസിച്ചാണ് ഇയാള് കിടക്കുന്നത്.വിശ്വസിക്കുന്നവരെ ചതിക്കുന്നതു പാപമല്ലേ?”
കരടിയുടെ മറുപടികേട്ട് പുലി നിരാശനായി .
അല്പ്പം കഴിഞ്ഞപ്പോള് വേടന് ഉണര്ന്നു. കരടിക്ക് ഉറക്കം വരുന്നുണ്ടായിരുന്നു. അതിനാല് അവന് വേടന്റെ മടിയില് തല വച്ചുറക്കമായി.
അതുശ്രദ്ധിച്ച പുലിതന്ത്ര പൂര്വ്വം വേടനോടു പറഞ്ഞു.
”എടോ വേടാ ആ തടിമാടന് കരടിയെ തള്ളിയിടൂ, ഞാന് വിശപ്പടക്കി പ്പൊയ്ക്കോളാം.
നിനക്കു നിന്റെ വീട്ടിലേക്കും പോകാം. ഭാര്യയും മക്കളും അവിടെ കാത്തിരിക്കുന്നണ്ടാവില്ലേ?”
വേടന്റെ മനസ്സിളകി.
കരടിയെ അവന് ശക്തമായി തള്ളി. പക്ഷേ,മരക്കൊമ്പില്പിടിച്ചിരുന്നതിന്നാല് കരടി താഴെ വീണില്ല.!
അപ്പോൾ ബുദ്ധിമാനായ പുലി വിളിച്ചു പറഞ്ഞു:
ഹേ, കരടീ........
നിന്റെ സ്നേഹത്തെമറന്നു, നിന്നെ ചതിച്ചു വീഴ്ത്താന് ശ്രമിച്ച ആ നീചനെ ഇനിയും നീ സംരക്ഷിക്കയാണോ?
തള്ളിത്താഴെയിടൂ അവനെ,
എന്റെ വിശപ്പെങ്കിലും ശമിക്കട്ടേ.”
അപ്പോള് കരടി ചൊല്ലിയ മറുപടി കേട്ടോളൂ: "സജ്ജനങ്ങള്ക്കു സത്പ്രവൃത്തിയാണ്  അഹങ്കാരം.തനിക്കുദ്രോഹം ചെയ്തവരോടുപോലും മനസ്സിൽ നന്മയുള്ളവൻ പ്രതികാരം ചെയ്യില്ല.
ഈ കഥയിൽ നമുക്കൊരു പാഠമുണ്ട്.
മനുഷ്യൻ സ്വാർത്ഥ താത്പര്യംകൊണ്ട് ആരെയും ചതിക്കാൻ മടിക്കില്ല എന്ന പാഠം.
എപ്പോഴും ചതി കരുതിയിരിക്കണം എന്ന പാഠം.
മനുഷ്യനായി പിറന്നത് കൊണ്ട് മാത്രം ഒരുവനിൽ നന്മ ഉണ്ടായിക്കൊള്ളണമെന്നില്ല,..
_________________

Download OYM official App

Click here to Download ⏬

Doomsday Clock 'അന്ത്യദിന ഘടികാരം'

. ലോകം നേരിടുന്ന കടുത്ത ഭീഷണികളുടെ രൂക്ഷത ഭരണാധികാരികളെയും നേതാക്കളെയും ബോധ്യപ്പെടുത്താനുള്ള ഒരു പ്രതീകാത്മക ഏർപ്പാടാണ് അന്ത്യദിനഘടികാരം (Doomsday Clock). 1947-ൽ അമേരിക്കയിലെ ഷിക്കാഗോ സർവകലാശാലയിലാണ്‌ ഘടികാരം സ്ഥാപിച്ചത്. അമേരിക്ക ആദ്യമായി അണുബോംബ് നിർമ്മിച്ച സംഘത്തിൽ പ്രവർത്തിച്ച ശാസ്ത്രജ്ഞർ 1945-ൽ തുടങ്ങിയ ബുള്ളറ്റിൻ ഓഫ് ദ ആറ്റമിക് സയന്റിസ്റ്റ്സ്‌ എന്ന പ്രസിദ്ധീകരണത്തിന്റെ നിർദ്ദേശകസമിതി അംഗങ്ങളാണ് 1947-ൽ അന്ത്യദിനഘടികാരത്തിന് രൂപം നൽകിയത്. ഘടികാരത്തിന്റെ പുനക്രമീകരണം നടത്താൻ ചുമതലയുള്ള സംഘത്തിൽ ഇപ്പോൾ ലോകപ്രശസ്തരായ ഒട്ടേറെ ശാസ്ത്രജ്ഞർ ഉൾപ്പെടുന്നു. 2007 ജനുവരി 17-ന് ഘടികാരസൂചി രണ്ടു മിനുറ്റുകൂടി അർധരാത്രിയോട് അടുപ്പിച്ചുവെന്
ന് ലണ്ടനിൽ പ്രഖ്യാപിച്ചത് വിഖ്യാത ശാസ്ത്രജ്ഞൻ സ്റ്റീഫൻ ഹോക്കിങാണ്.
ആഗോളതാപനം, ആണവായുധം എന്നീ വിപത്തുകൾ മൂലം സർവനാശത്തിലേക്ക ് ലോകനാഗരികതയ്ക്കിന് വെറും അഞ്ചുമിനുറ്റ് മാത്രമെന്ന് അന്ത്യദിനഘടികാരം മുന്നറിയിപ്പു നൽകുന്നു. കഴിഞ്ഞ 60 വർഷമായി ഇത്തരമൊരു ഘടികാരം ശാസ്ത്രലോകം കൈവശം സൂക്ഷിക്കുകയാണ്. ലോകം നേരിടുന്ന ഭീഷണികൾക്കനുസരിച്ച് അതിന്റെ സൂചിയിൽ വ്യത്യാസം വരുത്തിക്കൊണ്ടേയിരിക്കുന്നു. സർവനാശത്തിന് അവശേഷിക്കുന്ന സമയമാണ് ലോകത്തിനുള്ള മുന്നറിയിപ്പായി 'അന്ത്യദിനഘടികാ
ര'ത്തിൽ ക്രമീകരിക്കപ്പെടുക. ഘടികാരത്തിന്റെ ക്രമീകരണം
ലോകത്തെ രാഷ്ട്രീയവും വംശീയവുമായ മാറ്റങ്ങൾക്കും ചലനങ്ങൾക്കുമനുസരിച്ചാണ് അന്ത്യദിനഘടികാരത്തിന്റെ സൂചി ക്രമീകരിക്കപ്പെ
ടുക. 

1947-ൽ ഘടികാരം നിലവിൽ വന്നപ്പോൾ അതിന്റെ സൂചി അർധരാത്രിയിൽ നിന്ന് ഏഴുമിനുറ്റ് അകലെയായിരുന്നു. അതിനുശേഷം, അന്താരാഷ്ട്ര സംഭവ വികാസങ്ങൾക്കനുസരിച്ച് 18 തവണ ഘടികാരസൂചി പുനക്രമീകരിക്കപ്പെട്ടു. 1949-ൽ സോവിയറ്റ് യൂണിയൻ ആദ്യ ആറ്റംബോംബ് പരീക്ഷിച്ച വേളയിൽ ഘടികാരസൂചി മൂന്ന് മിനുറ്റ് മുന്നോട്ട് നീക്കപ്പെട്ടു; അർധരാത്രിയിൽ നിന്നുള്ള അകലം വെറും നാലു മിനുറ്റായി. ഒൻപത് മാസത്തെ ഇടവേളയ്ക്കിടയിൽ അമേരിക്കയും സോവിയറ്റ് യൂണിയനും തെർമോന്യൂക്ലിയർ പരീക്ഷണങ്ങൾ നടത്തിയ 1953-ലാണ് അന്ത്യദിനഘടികാരസൂചി അർധരാത്രിയിലേക്ക് ഏറ്റവും കൂടുതൽ അടുത്തത്. അർധരാത്രിയിലേക്കുള്ള അകലം അന്ന് വെറും ഒരു മിനുറ്റു മാത്രമായി. 1991-ൽ റഷ്യയും അമേരിക്കയും തന്ത്രപ്രധാന ആയുധങ്ങൾ കുറയ്ക്കാനുള്ള ഉടമ്പടി (Strategic Arms Reduction Treaty) ഒപ്പുവെച്ചപ്പോഴാണ് ഘടികാരസൂചി അർധരാത്രിയിൽ നിന്ന് ഏറ്റവും കൂടുതൽ അകന്നത്. അന്ന് 17 മിനുറ്റ് പുനക്രമീകരിക്കപ്പെട്ടു.
1974-ൽ 'ബുദ്ധൻ ചിരിക്കുന്നു' എന്ന കോഡുനാമത്തിൽ രാജസ്ഥാനിലെ പൊഖ്റാനിൽ ഇന്ത്യ ആദ്യ ആണവപരീക്ഷണം നടത്തി. അന്ത്യദിനഘടികാരസൂചി ഒൻപതു മിനുറ്റ് മാറ്റി; അർധരാത്രിയിലേക്കുള്ള ദൂരം വെറും മൂന്നു മിനുറ്റായി. 2001 സെപ്റ്റംബർ 11-ന് അമേരിക്കയിൽ നടന്ന ഭീകരാക്രമണത്തിന്റെ പശ്ചാത്തലത്തിൽ 2002-ലാണ് ഇതിനു മുമ്പ് ഘടികാരസൂചി ക്രമീകരിക്കപ്പെട്ടത്. അന്ന് രണ്ടുമിനിറ്റുകൂടി അർധരാത്രിയിലേക്ക് സൂചി അടുപ്പിച്ചു. അർധരാത്രിയിലേക്കുള്ള ദൂരം അന്ന് ഏഴു മിനുറ്റായി. അന്ത്യദിനഘടികാരസൂചി മുമ്പ് 17 തവണ പുനക്രമീകരിക്കപ്പെട്ടപ്പോഴും, ആയുധപന്തയത്തിന്റെ ഏറ്റക്കുറച്ചിലു
മൊക്കെയായിരുന്നു മാനദണ്ഡം. ഇത്തവണ ആദ്യമായി അതിന് വ്യത്യാസമുണ്ടായിരിക്കുന്നു. ആഗോളതാപനം കൂടി സർവനാശകാരികളുടെ പട്ടികയിൽ പെടുത്തിയിരിക്കുന്നു.

കടപ്പാട് : വിക്കിപീഡിയ

അലസിപ്പൂമരം അഥവാ ഗുൽമോഹർ ( ഇൗ പൂവിനെ പറ്റി അറിയാമോ...?)

വേനൽക്കാലത്ത് പൂക്കുകയും വസന്തം കഴിയുന്നതോടെ ഇല പൊഴിക്കുകയും ചെയ്യുന്ന ഒരു മരമാണ് അലസിപ്പൂമരം അഥവാ ഗുൽമോഹർ. (ശാസ്ത്രീയനാമം: Delonix regia). ഇംഗ്ലീഷിൽ Royal Poinciana അഥവാ Flamboyant. ഡെലോനിക്സ് റീജിയ (Delonix regia) എന്നാണ് ശാസ്ത്രീയ നാമം. കേരളത്തിലെ വഴിയോരങ്ങളിൽ ഏപ്രിൽ - മേയ് മാസങ്ങളിൽ ഈ മരങ്ങൾ പൂവണിയുന്നു. ചില വർഷങ്ങളിൽ ഇത് നേരത്തേയും ചിലപ്പോൾ വൈകിയും പൂവിടാറുണ്ട്. . പൂക്കൾ പൊഴിഞ്ഞ് വഴിയോരങ്ങൾക്ക് വർണ്ണാഭ നൽകാറുണ്ട്. തണൽവൃക്ഷമായി വച്ചുപിടിപ്പിക്കുന്ന ഇതിന്റെ തടി വിറകായി ഉപയോഗിക്കുന്നു. തണ്ടിനു അധികം ബലമില്ലാത്തതുകൊണ്ട് മഴക്കാലത്ത് ശാഖകൾ വീണു വഴിയാത്രക്കാർക്ക് പ്രശ്നങ്ങൾ ഉണ്ടാക്കുന്ന ഒരു മരമാണിത്. മദിരാശിമരം എന്നും പേരുണ്ട്.
നല്ല സൂര്യപ്രകാശം ആവശ്യമായ ഇതിന് ചെറിയ വരൾച്ചയും ശൈത്യവും താങ്ങാനാകും.

അലങ്കാരത്തിനും തണലിനുമായി വളർത്താറുള്ള അലസിപ്പൂമരത്തിന്റെ സ്വദേശം മഡഗാസ്കറാണ്. അലങ്കാരവൃക്ഷമെന്ന നിലയിൽ അലസിപ്പൂമരം ഭാരതത്തിലെത്തിയിട്ട് ഒരു നൂറ്റാണ്ടിലേറെയായി.
പരമാവധി പത്തു മീറ്ററിലധികം ഉയരത്തിലേക്ക് ഈ വൃക്ഷം വളരാറില്ല. അത്രയുമായാൽ പിന്നെ ഇവയുടെ തലപ്പ് പരന്നു പന്തലിക്കും. ഇലകൾ വളരെ ചെറുതാണ്. പരമാവധി അര സെന്റീമീറ്റർ മാത്രം. വേനൽകാലത്താണ് അലസിപ്പൂമരം പൂക്കുക. ശാഖാഗ്രത്തിൽ കുലകളായാണ് പൂക്കൾ വിടരുക. പൂവിന് ചുവപ്പ് നിറവും മിക്കവാറും സ്പൂണിന്റെ ആകൃതിയും ആയിരിക്കും. പരന്ന പച്ച തലപ്പും അതുനിറയെ ചുവന്ന പൂക്കളുമായി നിൽക്കുന്ന അലസിപ്പൂമരം കാണാൻ ഭംഗിയാണ്. പക്ഷേ നല്ല കാറ്റിൽ ഇവ പിഴുതു വീഴാൻ സധ്യതുയുണ്ട്. ഇതിന്റെ വേരുകൾ ആഴത്തിലേക്കു പോകുന്നവയല്ല. ചുവട്ടിൽ തന്നെ വ്യാപിച്ചു നിൽക്കും. അതുകൊണ്ട് ഗുൽമോഹറിന്റെ ചുവട്ടിൽ മറ്റ് ചെടികൾ വളരാനുള്ള സാധ്യത കുറവാണ്.

തോടോടു കൂടിയ കായ നീണ്ടു പരന്നതാണ്. 50 സെന്റീമീറ്ററോളം നീളവും 4 സെന്റിമീറ്റർ വീതുയുമുണ്ടാകും. കായ ഏറെ നാളുകൾക്കു ശേഷമേ മരത്തിൽ നിന്നും അടർന്നു വീഴുകയുള്ളു. ഒക്ടോബറിൽ കായ വിളയും.ഇത് വളരെക്കാലം മരത്തിൽ തന്നെ കിടക്കും. വിത്തുകൾ പാകിയും അലസിപ്പൂമരം കിളിപ്പിക്കാം. ഇതുകൂടാതെ വേരിൽ നിന്നും തൈകൾ ഉണ്ടാകും. തണ്ട് മുറിച്ച് നട്ടാലും ഇവ കിളിർക്കും.
കേരളത്തിൽ കാട്ടിലും നാട്ടിലും ഈ മരം ധാരാളമുണ്ട്. തടിയുടെ ഈടും ബലവും കുറവാണ്. മുഖ്യമായും വിറകിനാണ് അലസിപ്പൂമരത്തിന്റെ തടി ഉപയോഗിക്കുന്നത്. സിസാൽ പിനിയേസി എന്ന സസ്യ കുടുംബത്തിൽപ്പെട്ട അലസിപ്പൂമരത്തിന്റെ ശാസ്ത്രനാമം ഡിലോണിക്സ് റീജിയറാഫ് എന്നാണ്. ഗുൽമോഹർ, ഗോൽഡ് മോഹർ എന്നെല്ലാം ഇംഗ്ലീഷിൽ അറിയപ്പെടുന്നുണ്ട്.

പ്രകൃതി സ്വയം ശുദ്ധമാകും. ഓര്ക്കുക നാം എത്രത്തോളം പ്രകൃതിയെ ആശുദ്ധമാക്കുന്നോ അതേ രീതിയില് പ്രകൃതി തിരിച്ചടിക്കും.

 ന്യൂട്ടന്റെ രണ്ടാം ചലന നിയമം അനുസ്മരിക്കുക.
നൃൂട്ടൻ്റെ രണ്ടാംചലനനിയമം നിങ്ങൾക്ക് നിർവ്വചിക്കാൻ കഴിയുമോ? നൃൂട്ടൻ്റെ രണ്ടാം ചലനനിമം പ്രസ്താവിക്കുന്നു.
ഒരുവസ്തുവിൻ്റെ ഗതിയുടെ മാറ്റത്തിൻ്റെ നിരക്ക് ആവസ്തുവിൻ്റെ ബലത്തിൻ്റെ ദിശയിലുള്ള ആപേക്ഷിക അസന്തുലിത ബലത്തിന് നേർഅനുപാതത്തിലായിരിക്കും. അതായത് , F= Ma.
ഇവിടെ, F എന്നത് പ്രയോഗിക്കുന്ന ബലം .m, എന്നത് വസ്തുവിൻ്റെ പിണ്ടം,a എന്നത് ഉത്പാദിപ്പിക്കുന്ന ത്വരണം.
ഒരുവസ്തു ഒരേ സമയത്ത് ഒന്നിലധികം ബലങ്ങൾക്ക് വിധേയമായാൽ എന്തുസംഭവിക്കും?
ഒരേ സമയത്ത് വസ്തുവിന് ഒന്നിലധികം ബലങ്ങൾക്ക് വിധേയമായാൽ ഉത്പാദിപ്പിക്കുന്ന ത്വരണം ഒാരോന്നിൻ്റെയും മൊത്തത്തിൽ വഹിക്കുന്ന ബലങ്ങൾക്ക് നേർ അനുപാതമായിരിക്കും. രണ്ടാമത്തെ നിയമവും വസ്തുവിൻ്റെ ഗതിയുടെ നെറ്റ് ബലമാണ്(അറ്റാദായമായ) കാണിച്ചിരിക്കുന്നത്:
അതുകൊണ്ട്; നൃൂട്ടൻസ് രണ്ടാം നിയമവുംപ്രസ്താവിക്കുന്നത് ഒരുവസ്തുവിൽ പ്രയോഗിക്കുന്ന നെറ്റ്ബലം ആവസ്തുവിൻ്റെ ഗതിയുടെ മാറ്റത്തിൻ്റെ നിരക്കിന് തുലൃമായിരിക്കുമെന്നാണ്.
എങ്ങനെയാണ് ഗതി നെറ്റ്ബലത്തെ സ്വാധീനിക്കുന്ന
ത്?
ഒന്നാം ചലനനിയമം ചൂണ്ടിക്കാണിക്കുന്നത്
പുറമേയുള്ള ഒരുഅസന്തുലിത ബലം ഒരുവസ്തുവിൽ പ്രയോഗിക്കുമ്പോൾ അതിൻ്റെ പ്രവേഗം മാറുന്നു.അതുകൊണ്ട് വസ്തു ത്വരണത്തിലാണ് ഒരുവസ്തുവിൻ്റെ ത്വരണം ആപേക്ഷികബലത്തെ (പ്രയോഗിക്കുന്ന ബലം) ആശ്രയിക്കുന്നതെങ്ങനെയെന്ന് നമുക്ക് ഇപ്പോൾ പഠിക്കാം.
ഒരു ഉദാഹരണം പരിഗണിക്കുക.-ഒരു കാർ റോഡിൻ്റെ വശത്തായിട്ട് വിശ്രാന്താവസ്ഥയിലായിരിക്കുമ്പോൾ പ്രതൃേകിച്ച് ഒരു ശ്രദ്ധയും കൊടുക്കേണ്ട കാരൃമില്ല.
പക്ഷേ ചലിച്ചുകൊണ്ടിരിക്കുന്ന ഒരു കാറിന് ചെറിയ വേഗത ആണങ്കിൽ കൂടിയും വഴിയിൽ നിൽക്കുന്ന ഒരു വൃക്തിയെ കൊല്ലാൻ സാധിച്ചേക്കാം. ഒരു ചെറിയ പിണ്ടം(Mass) ഇതു പോലെ, തോക്കിൽ നിന്ന് ചീറ്റിപായുന്ന വെടിയുണ്ടഉതിർക്കുമ്പോൾ ഒരു ബുള്ളറ്റ് ഒരു പക്ഷേ ഒരു വൃക്തിയെ കൊന്നേക്കാം. ഈ ഉദാഹരണങ്ങളിൽ നിന്ന് ഒരുകാരൃം വൃക്തമാകുന്നു.അതായത്,. വസ്തുവിലുണ്ടാകുന്ന സമ്മർദ്ദം അതിൻ്റെ പിണ്ടത്തെയും പ്രവേഗത്തേയും ആശ്രയിച്ചിരിക്കുന്നു. നമ്മൾ ഒരു വസ്തുവിൻ്റെ പ്രവേഗവും പിണ്ടവും യോജിപ്പിക്കുമ്പോൾ നമുക്ക് വേറൊരു അളവ്കിട്ടുന്നു. ഇത് ആവിഷ്കരിച്ചത് നൃൂട്ടനാണ്
നമുക്ക് ഗതി നിർവ്വചിക്കാം.: ഗതിക്ക് ഒരുപോലെ ദിശയും വൃാപ്തിയും ഉണ്ട്.ഇതിൻ്റെ ദിശ പ്രവേഗത്തിൻ്റെ ദിശപോലെയാണ്. അസന്തുലിത ബലം ഒരുവസ്തുവിൽ പ്രയോഗിക്കുമ്പോൾ, അത് വസ്തുവിൻ്റെ പ്രവേഗത്തിൽ മാറ്റം വരുത്തുന്നു, അത് തിരിഞ്ഞ് അതിൻ്റെ ഗതിയിൽ മാറ്റം വരുത്തുന്നു ഒരു വസ്തുവിൻ്റെ ഗതിക്ക് മാറ്റം വരുത്തുവാൻ ബലം ആവശൃമാണ്.ഇവ ആശ്രയിക്കുന്നത് സമയനിരക്കിനെ ആണ്ഗതിക്ക്മാറ്റം വന്നു. അതാണ് ഇതിൻ്റെ ചുരുക്കം.
ചലിച്ചുകൊണ്ടിരിക്കുന്ന ഒരുവസ്തുവിൻ്റെ ത്വരണം കണക്കുകൂട്ടാൻ കഴിയുന്നത്:
________________________________

Follow Me on ,🐦 Twitter (click here 👉)

ഉദാത്തമായ പ്രാർത്ഥന നിങ്ങളെ ആപത്തിൽ നിന്നും രക്ഷിക്കും. ..----- ഇൗ കഥ മുഴുവൻ വായിക്കൂ

ഒരു കപ്പൽ കാറ്റിൽ പെട്ട് തകർന്നു , രണ്ടുപേർ മാത്രം നീന്തി മരുഭൂമി സമാനമായ ഒരു ദ്വീപിൽ എത്തി .
ഒരൽപം ജലം മാത്രമുള്ള ആ ദീപിൽ നിന്നും തങ്ങളെ രക്ഷപ്പെടാൻ ദൈവത്തിനു മാത്രമേ കഴിയൂ എന്ന് ബോധ്യപ്പെട്ട ഇരുവരും പ്രാർത്ഥിക്കുവാൻ തീരുമാനിച്ചു .
പക്ഷെ ആരുടെ പ്രാർത്ഥനയാണ് ദൈവം കേൾക്കുന്നതെന്ന് അറിയാനായി ദീപിനെ തെക്കുഭാഗമെന്നും വടക്കു ഭാഗമെന്നും രണ്ടായി തിരിച്ചു . ഒരാൾ തെക്കു ഭാഗത്ത് നിന്നും മറ്റേയാൾ വടക്കു ഭാഗത്ത് നിന്നും പ്രാർത്ഥന തുടങ്ങി.
ആദ്യമായി അവർ പ്രാർഥിച്ചത് ഭക്ഷണത്തിനു വേണ്ടിയായിരുന്നു .
പിറ്റേ ദിവസം രാവിലെ തെക്കുഭാഗത്ത് നല്ല ഫലങ്ങളുള്ള ഒരു മരം കാണപ്പെട്ടുഅടുത്ത ദിവസം അവർ വസ്ത്രത്തിനായി പ്രാർഥിച്ചു.
തെക്കുവശത്തുള്ള ആൾക്ക് മാത്രം വസ്ത്രം ലഭിച്ചുഅടുത്ത ദിവസം രക്ഷപ്പെടാൻ ഒരു തോണിക്കുവേണ്ടി ഇരുവരും പ്രാർഥിച്ചു. തെക്കു വശത്ത് തോണി വന്നു. തെക്കുവശത്തുള്ള ആൾ തോണിയിൽ കയറി രക്ഷപ്പെടാൻ തീരുമാനിച്ചു ..
വടക്കു വശത്തുള്ള ആളെ തോണിയിൽ കയറ്റാൻ അദ്ദേഹം സന്നദ്ധമായില്ല . കാരണം അയാൾ ദൈവത്താൽ ശപിക്കപ്പെട്ടവനാണ് .

അയാളുടെ ഒരു പ്രാർത്ഥനയും ദൈവം കേട്ടില്ല ,അയാളെ കയറ്റിയാൽ ദൈവ കോപം ഉണ്ടാകും എന്നൊക്കെ അദ്ദേഹം കരുതി . വള്ളം കരയിൽ നിന്നും നീങ്ങാൻ തുടങ്ങിയപ്പോൾ ആകാശത്തുനിന്നും ഒരു ശബ്ദം കേട്ടു .
" നീ എന്തു കൊണ്ട് വടക്കുവശത്തുള്ള ആളെ വള്ളത്തിൽ കയറ്റിയില്ല ?" അയാൾ മറുപടി പറഞ്ഞു : ശപിക്കപ്പെട്ട അവൻ ഈ വള്ളത്തിൽ കയറിയാൽ ദൈവം ഇഷ്ടപ്പെടില്ല ,അതിനാൽ ഈ വള്ളം ഒരുപക്ഷെ മുങ്ങി പോയേക്കാം !!
അവൻറെ ഒരു പ്രാർത്ഥന പോലും ദൈവം കേട്ടില്ലല്ലോ ? ദൈവം മറുപടി പറഞ്ഞു : "നിനക്കു തെറ്റു പറ്റി .ശരിക്കും ഞാൻ അയാളുടെ പ്രാർത്ഥനായാണ് കേട്ടത് ! നിൻറെ പ്രാർത്ഥന കേൾക്കണേ എന്നുമാത്രമായിരുന്നു അയാളുടെ പ്രാർത്ഥന !"

മേൽ കഥയിലെ പോലെ മറ്റുള്ളവരുടെ പ്രാർത്ഥന കൊണ്ടാകാം പലപ്പോഴും നമുക്ക് പല നന്മയും വന്നെത്തുന്നത് .
പ്രത്യേകിച്ച് മാതാപിതാക്കളുടെ പ്രാർഥനകൾ,
സുഹൃത്തുക്കളുടെ പ്രാർത്ഥനകൾ,
അതുപോലെ നാം വല്ല ഉപകാരവും ചെയ്യുന്നവരുടെ പ്രാർത്ഥനകൾ, അവയ്ക്കെല്ലാം ഉത്തരം ലഭിക്കാനുള്ള സാധ്യതകൾ കൂടുതലാണ് .
ജീവിതത്തിൽ പറ്റാവുന്ന നന്മകൾ ചെയ്യുക -
ചിലപ്പോൾ ചിലരുടെ അനുഗ്രവും പ്രാർത്ഥനയും നിങ്ങളെ അപകടങ്ങളിൽ നിന്നും ആപത്തുകളിൽ നിന്നും രക്ഷിക്കുക.
___________________________________


നിങ്ങൾക്ക് ഇൗ കഥ ഇഷ്പ്പെട്ടോ.
എന്റെ ഇൗ ബ്ലോഗ് ഫോളോ ചെയ്യുക.
________________________________________
     Follow me > Twitter🐦 (click here) 👈
Subscribe YouTube ▶ Vinu's GKnow (click here 👈)